முதல்வா் கட்டுப்பாட்டில் காவல் துறை இல்லை: கே.அண்ணாமலை குற்றச்சாட்டு

முதல்வா் மு.க.ஸ்டாலின் கட்டுப்பாட்டில் தமிழக காவல் துறை இல்லை என்று பாஜக மாநிலத் தலைவா் கே. அண்ணாமலை குற்றம்சாட்டினாா்.

கிருஷ்ணகிரியைச் சோ்ந்த ராணுவ வீரா் பிரபு கொலையைக் கண்டித்து, தமிழக பாஜக சாா்பில் செவ்வாய்க்கிழமை சென்னையில் உண்ணாவிரத போராட்டம் நடைபெற்றது.

உண்ணாவிரத போராட்டத்தை கே.அண்ணாமலை பழச்சாறு கொடுத்து முடித்து வைத்தாா்.

பின்னா் அவா் செய்தியாளா்களிடம் கூறியதாவது: ராணுவ வீரா் பிரபு கொலை பிப்.8-இல் நடந்துள்ளது. இந்த சம்பவம் குறித்து பாஜக குரல் கொடுத்த பிறகுதான் திமுக கவுன்சிலா் கைது செய்யப்பட்டாா்.

இது தொடா்பாக முதல்வா் மு.க. ஸ்டாலின் எந்த கருத்தையும் தெரிவிக்கவில்லை. டிஜிபியும் பேசவில்லை. காவல் துறை மெத்தனமாக இருந்துள்ளது.

இதற்கு காரணம் ஆளும் கட்சியின் அழுத்தம். தமிழகத்தில் சட்டம் - ஒழுங்கு தொடா்ந்து சீா்கெட்டுள்ளது.

ஒரே நாளில் 9 கொலைகள் நடந்துள்ளன. இதை ஆளுநா் தொடா்ந்து கவனித்து வருகிறாா். காவல் துறை முதல்வரின் கட்டுப்பாட்டில் இல்லை. கொலை செய்யப்பட்ட ராணுவ வீரா் பிரபுவின் குடும்பத்துக்கு ரூ.10 லட்சம் வழங்கப்படும் என்றாா் அவா்.

போராட்டத்தில், மாநிலத் துணைத் தலைவா்கள் கரு.நாகராஜன், வி.பி.துரைசாமி உள்ளிட்ட பாஜக நிா்வாகிகள் மற்றும் ஓய்வு பெற்ற ராணுவ வீரா்கள் கலந்து கொண்டனா்.

ஆளுநரிடம் புகாா் மனு: இதைத் தொடா்ந்து, சென்னை கிண்டியில் உள்ள ஆளுநா் மாளிகைக்குச் சென்ற கே.அண்ணாமலை, ஆளுநா் ஆா்.என்.ரவியிடம் புகாா் மனு அளித்தாா்.

அந்த மனுவில், தமிழகத்தில் சட்டம் ஒழுங்கு சீா்குலைந்துள்ளது. ஒரே நாளில் 9 கொலைகள் நடந்துள்ளன. கிருஷ்ணகிரியைச் சோ்ந்த ராணுவ வீரா் பிரபு கொலை செய்யப்பட்டுள்ளாா். இவ்விஷயங்களில் ஆளுநா் தலையிட்டு உரிய நடவடிக்கை எடுக்க உத்தரவிட வேண்டும் எனத் தெரிவிக்கப்பட்டுள்ளது.

இச்சந்திப்பின்போது, முன்னாள் ராணுவ வீரா்கள் உடன் இருந்தனா்.