கனிமொழி பிறந்தநாள்: முதல்வர் மு.க.ஸ்டாலின் நேரில் வாழ்த்து!

   
திமுக துணைப் பொதுச்செயலாளர் கனிமொழி பிறந்தநாளையொட்டி, அவருக்கு முதல்வர் மு.க.ஸ்டாலின் நேரில் சென்று பிறந்தநாள் வாழ்த்து தெரிவித்தார்.

திமுக துணைப் பொதுச் செயலாளரும், நாடாளுமன்ற உறுப்பினருமான கனிமொழி இன்று தனது 55 ஆவது பிறந்தநாளை கொண்டாடுகிறார். துணை பொதுச் செயலாளராக அவர் கொண்டாடும் முதல் பிறந்தநாள் என்பதால் அவருக்கு அரசியல் கட்சி தலைவர்களும், சமூக ஆர்வலர்கள், பெண்கள் அமைப்பினர் என பலரும் வாழ்த்து தெரிவித்து வருகின்றன. 

இதையும் படிக்க | நீட் முதுகலை 2023: இன்று தொடங்குகிறது விண்ணப்பப் பதிவு

இந்நிலையில், திமுகழகத் தலைவரும், தமிழ்நாடு முதல்வருமான மு.க.ஸ்டாலின், துணைப் பொதுச் செயலாளர் கனிமொழி எம்.பி., பிறந்தநாளையொட்டி, சென்னை மயிலாப்பூரில் உள்ள அவரது வீட்டிற்கு நேரில் சென்று சால்வை அணிவித்து வாழ்த்து தெரிவித்தார். 

அவருடன் அமைச்சர் உதயநிதி ஸ்டாலின், கே.என்.நேரு, செந்தில் பாலாஜி, அன்பில் பெய்யாமொழி உள்ளிட்டோரும் வாழ்த்து தெரிவித்தனர்.