தங்கம் விலை சவரனுக்கு ரூ.304 அதிரடியாக குறைந்தது!

சென்னையில் ஆபரணத் தங்கத்தின் விலை சவரனுக்கு ரூ.304 குறைந்து ஒரு சவரன் ரூ.41,520ஆக விற்பனை செய்யப்படுகிறது. 

தங்கம் விலை அவ்வப்போது ஏற்ற இறக்கம் கண்டு வருவது தொடர்ந்து நிகழ்ந்து வரும் ஒன்றாக இருந்தாலும், கடந்த சில வாரங்களாக  தங்கத்தின் விலை ஏற்றம் கண்டு வருகிறது.

டிச.31ஆம் தேதி ஒரு சவரன் ரூ.41,040 ஆக உயர்ந்து விற்பனை செய்யப்பட்டது. பிறகு கடந்த ஒரு வாரத்திற்கு மேலாக தங்கத்தின் விலை தொடர்ந்து அதிகரித்து வருகிறது. இந்நிலையில், 2023 -ம் ஆண்டுக்கான வர்த்தகம் தொடங்கிய முதல் நாளில் இருந்து ஏற்றம் கண்டுவரும் நிலையில் இன்று(ஜன.6)ஆம் தேதியான இன்று தங்கம் விலை சற்று குறைந்துள்ளது. 

சென்னையில் 22 கேரட் ஆபரணத் தங்கத்தின் விலை கிராமுக்கு ரூ.38 குறைந்து ஒரு கிராம் தங்கம் ரூ.5,190 ஆக விற்பனை செய்யப்படுகிறது. இதன்மூலம் சவரனுக்கு ரூ.304 குறைந்து ஒரு சவரன் ரூ.41,520 ஆக விற்பனை செய்யப்படுகிறது.

படிக்க: திருநள்ளாறு தர்பாரண்யேஸ்வரர் கோயிலில் ஆருத்ரா தரிசனம்

அதேசமயம், வெள்ளியின் விலை கிராமுக்கு ரூ.50 காசுகள் குறைந்து ரூ.73.50 ஆகவும், ஒரு கிலோவுக்கு ரூ.500 குறைந்து ரூ.73,500 ஆக விற்பனை செய்யப்படுகிறது.