16 இடங்களில் வெயில் சதம்

தமிழகத்தில் வியாழக்கிழமை 16 இடங்களில் 100 டிகிரி பாரன்ஹீட்டை கடந்து வெப்பத்தின் தாக்கம் காணப்பட்டதாக சென்னை வானிலை மையம் தெரிவித்துள்ளது. வெயிலின் தாக்கம் மேலும் 3 நாள்களுக்கு நீடிக்கும் என்றும் அறிவிக்கப்பட்டுள்ளது.

தமிழகத்தில் பல்வேறு இடங்களில் வெப்பத்தின் தாக்கம் அதிகரித்து காணப்படுகிறது. வியாழக்கிழமை பதிவான வெப்ப அளவு (டிகிரி ஃபாரன்ஹீட்): மதுரை நகரம்-105.8,வேலூா்-105.8,மதுரை விமானநிலையம்-105.44,சென்னை மீனம்பாக்கம்-105.26,கடலூா்-104.36, சென்னை நுங்கம்பாக்கம்-104.18,தஞ்சாவூா்-104,திருத்தணி-103.64,பரமத்தி வேலூா்-103.1, பரங்கிபேட்டை-103.1, புதுச்சேரி-102.74, நாகை-102.56,திருச்சி-102.38,அதிராமப்பட்டினம்-102.02,திருப்பத்தூா்-101.12,காரைக்கால்-100.94.

மழைக்கு வாய்ப்பு: மேற்கு திசை காற்று மற்றும் வெப்பச் சலனம் காரணமாக, தமிழ் நாடு,புதுச்சேரி,காரைக்காலின் ஓரிரு இடங்களில் வெள்ளி முதல் திங்கள்கிழமை (ஜூன் 19) வரை 4நாள்கள் இடி மின்னலுடன் கூடிய லேசானது முதல் மித மான மழை பெய்யக்கூடும் என சென்னை வானிலை மையம் தெரிவித்துள்ளது.