தங்கம் விலை அதிரடியாக சவரனுக்கு ரூ. 640 உயர்வு!

சென்னையில் ஒரு சவரன்(22 காரட்) தங்கத்தின் விலை மீண்டும் 42 ஆயிரத்தைத் தாண்டியுள்ளது. 

தங்கம் விலை கடந்த சில மாதங்களாகவே அதிகரித்துக் காணப்படுகிறது. கடந்த மார்ச் 6 ஆம் தேதி ஒரு சவரன் தங்கம் விலை ரூ. 42 ஆயிரத்தைத் தாண்டிய நிலையில் சற்று குறைந்தது. 

இந்நிலையில் இன்று (சனிக்கிழமை) காலை நிலவரப்படி, சவரனுக்கு ரூ. 640 உயர்ந்து ஒரு சவரன் தங்கம் ரூ. 42,160-க்கு விற்பனை செய்யப்படுகிறது. 

ஒரு கிராம் தங்கத்தின் விலை ரூ.80 உயர்ந்து ரூ.5,270 -க்கு விற்பனை ஆகிறது. 

அதேநேரம், வெள்ளியின் விலை ரூ. 1.40 உயர்ந்து ஒரு கிராம் ரூ.68.70- க்கும், ஒரு கிலோ ரூ.68,700-க்கும் விற்பனை செய்யப்படுகிறது.

இதையும் படிக்க | பொதுத்தேர்வு மையங்களில் தடையில்லா மின்சாரம் வழங்க உத்தரவு!