காவிரி டெல்டா பாசனத்திற்காக மேட்டூா் அணையில் இருந்து தண்ணீரை  ஜூன் 12 ஆம் தேதி  முதல்வர் மு.க.ஸ்டாலின் திறந்து வைக்கிறார்.

சேலத்திற்கு ஜூன் 11 ஆம் தேதி, வருகை தரும் முதல்வர் மு.க. ஸ்டாலின், சேலத்தில் அமைக்கப்பட்டுள்ள கலைஞரின் உருவ சிலையைத் திறந்து, கலைஞரின் நூற்றாண்டு பிறந்த நாள் விழாவைத் தொடக்கி வைத்து நலத்திட்ட உதவிகளையும் வழங்குகிறார்.

காவிரி டெல்டா பாசனத்திற்காக ஜூன் 12 ஆம் தேதி மு.க. ஸ்டாலின் மேட்டூர் அணையில் இருந்து தண்ணீரை திறந்து வைக்க உள்ளார். அணை நீர்மட்டம் 90 அடிக்கு மேல் உயரும்போது, ஜூன் 12-ம் தேதி அணை திறக்கப்படும்.  

கடந்தாண்டு மே மாதம் 24-ம் தேதி மேட்டூர் அணையில் இருந்து தண்ணீர் திறக்கப்பட்டது குறிப்பிடத்தக்கது.

இதனையடுத்து கா்னல் எல்லீசின் முழு உருவச் சிலைக்கு வா்ணம் பூசும் பணி முழு வீச்சில் நடைபெற்று வருகிறது.

இதையும் படிக்க: உலகத்தில் எங்கேயும் இதுபோல ரசிகர்களை பார்க்க முடியாது: மொயின் அலி நெகிழ்ச்சி! 

அணையின் சுவரை ஒட்டிய பகுதிகளிலும் கால்வாய் பகுதிகளிலும் உள்ள புதா்கள் அகற்றப்பட்டு வருகின்றன. இன்னும் சில நாள்களில் பராமரிப்புப் பணிகள் முழுவீச்சில் நடைபெற உள்ளன.