தெலுங்கு மொழியில் வெளியான லியோ படம் 3 நாட்களில் ரூ.30 கோடிக்கு மேல் வசூல் செய்துள்ளது. 

லோகேஷ் கனகராஜ் இயக்கத்தில் விஜய் நடித்துள்ள ‘லியோ’ திரைப்படம் அக்.19ஆம் தேதி வெளியானது. இதில் த்ரிஷா, அர்ஜுன், சஞ்சய் தத், மிஸ்கின், கெளதம் வாசுதேவ் என பெரிய நட்சத்திர பட்டாளமே நடித்திருந்ததால் படத்தின் மீது எதிர்பார்ப்பு அதிகளவில் இருந்தது. 

ஆனால், படத்துக்கு கலவையான விமர்சனங்களே வந்துள்ளது. இருப்பினும் படம் வசூலில் குறை வைக்கவில்லை. முதல்நாள் வசூலாக ரூ.148.5 கோடி வசூலித்துள்ளதாக படக்குழு அதிகாரபூர்வமாக அறிவித்தது. 

இந்த நிலையில் தெலுங்கு மொழியில் வெளியான லியோ படம் 3 நாட்கள் வசூலாக ரூ.32 கோடியை வசூலித்துள்ளதாக, வெளியீட்டு உரிமையைப் பெற்ற சித்தாரா எண்டர்டெயின்மெண்ட்ஸ் நிறுவனம் அறிவித்துள்ளது.