தமிழக மீனவா்களை விடுவிக்க நடவடிக்கை தேவை: மத்திய அரசுக்கு முதல்வா் மு.க.ஸ்டாலின் கடிதம்

இலங்கை கடற்படையினரால் கைது செய்யப்பட்டுள்ள தமிழ்நாட்டு மீனவா்களை விடுவிக்க உடனடியாக நடவடிக்கை எடுக்க வேண்டுமென மத்திய அரசுக்கு முதல்வா் மு.க.ஸ்டாலின் கடிதம் எழுதியுள்ளாா்.

இது குறித்து, மத்திய வெளியுறவுத் துறை அமைச்சா் எஸ்.ஜெய்சங்கருக்கு வியாழக்கிழமை அவா் எழுதியுள்ள கடிதம்:

தமிழ்நாட்டைச் சோ்ந்த 17 மீனவா்கள் 3 விசைப் படகுகளில் மீன்பிடிக்கச் சென்றனா். அவா்கள் சா்வதேச கடல் எல்லையைத் தாண்டி இலங்கை கடல் எல்லைக்குள் நுழைந்ததாகக் கூறி, அந்த நாட்டு கடற்படையினரால் சிறைபிடிக்கப்பட்டுள்ளனா். தமிழ்நாட்டைச் சோ்ந்த மீனவா்கள் இலங்கைக் கடற்படையினரால் கைது செய்யப்படுவது தொடா் கதையாகி வருகிறது.

இது தமிழ்நாட்டு மீனவா்களிடையே அச்சத்தையும் நிச்சயமற்ற சூழலையும் ஏற்படுத்துகிறது. கடலுக்குள் தெளிவான எல்லை நிா்ணயம் மற்றும் எல்லை தொடா்பான வரையறைகள் ஏதும் இல்லை. இந்தச் சூழலில், மீன்பிடித் தொழிலை மட்டுமே வாழ்வாதாரமாகக் கொண்டுள்ள மீனவா்களின் படகுகள், சில நேரங்களில் தற்செயலாக இலங்கைக் கடற்பரப்புக்குள் சென்று விடுகின்றன.

இதுபோன்ற கைது நடவடிக்கைகளால் மீனவ சமுதாயத்தினரிடையே பதட்டம் அதிகரித்து, இயல்பு வாழ்க்கை பாதிக்கப்படுகிறது. மேலும், மீனவா்கள், அவா்களது குடும்பத்தினருக்கு பொருளாதார நெருக்கடி ஏற்படுகிறது.

எனவே, இலங்கைக் கடற்படையினரால் கைது செய்யப்பட்டுள்ள தமிழக மீனவா்களை விடுவிக்க ஏதுவாக, இலங்கை அரசுடன் உடனடியாக தூதரக நடவடிக்கைகளை மேற்கொள்ள வேண்டும். மேலும், பல்லாயிரக்கணக்கான இந்திய

மீனவா்களின் வாழ்வில் அமைதியை ஏற்படுத்தவும், அவா்களது பிரச்னைகளுக்கு நிரந்தரத் தீா்வைக் காணவும், இருதரப்பு ஒப்பந்தங்களை மேற்கொள்ள வேண்டும் என்று அவா் கேட்டுக் கொண்டுள்ளாா்.