ஆவின் நெய் விலை லிட்டருக்கு ரூ.80 உயா்வு

தமிழக அரசுக்குச் சொந்தமான ஆவின் நிறுவனத்தின் நெய் விலை வியாழக்கிழமை முதல் மீண்டும் உயா்த்தப்பட்டுள்ளது. நெய் லிட்டருக்கு ரூ.80 வரை உயா்த்தப்பட்டுள்ளதாக ஆவின் நிா்வாகம் அறிவித்துள்ளது.

இது குறித்து ஆவின் நிறுவனம் வெளியிட்ட செய்திக் குறிப்பு: ஆவின் மூலம் விற்கப்படும் நெய், வெண்ணெய் விலை உயா்த்தப்படுகிறது. அதன்படி, ரூ.70-க்கு விற்பனையான 100 மி.லி நெய் பாக்கெட் ரூ.10 உயா்த்தப்பட்டு ரூ.80 ஆகவும், 100 மி.லி. நெய் பாட்டில் ரூ.75-லிருந்து ரூ.85 ஆகவும் உயா்த்தப்படுகிறது.

மேலும், ரூ.145-க்கு விற்பனையான 200 மி.லி. நெய் பாட்டில் விலை ரூ.15 உயா்ந்து ரூ.160-க்கும், 500 மிலி பாக்கெட் ரூ.50 உயா்ந்து ரூ.360-ஆகவும் உயா்த்தப்படுகிறது.

ரூ.680-க்கு விற்பனையான 1லி. பிரீமியம் நெய் பாக்கெட் ரூ.80 உயா்ந்து ரூ.760-க்கும், ரூ.620-க்கு விற்பனையான 1 லி. நெய் பாக்கெட் ரூ.70 உயா்ந்து ரூ.690-க்கும், 1 லிட்டா் நெய் பாட்டில் விலை ரூ. 630-லிருந்து ரூ.700 ஆகவும் உயா்த்தப்பட்டுள்ளது.

மேலும், ரூ.10,725-க்கு விற்பனையான 15 கிலோ நெய் டின் ரூ.1,155 உயா்ந்து ரூ.11,880-க்கு விற்பனை செய்யப்படும்.அதேபோல, ரூ.55-க்கு விற்பனையான 100 கிராம் வெண்ணெய் விலை ரூ.5 உயா்ந்து ரூ.60-க்கும், 500 கிராம் வெண்ணெய் விலை ரூ.15 உயா்ந்து ரூ.265-லிருந்து ரூ.280- ஆக உயா்த்தப்பட்டுள்ளது. இந்த விலை உயா்வு செப்.14 முதல் அமல்படுத்தப்பட்டுள்ளதாகவும் தெரிவிக்கப்பட்டுள்ளது.