மூத்த அரசியல் தலைவர் ஆர்.எம். வீரப்பன் மறைவுக்கு நடிகர் ரஜினிகாந்த் நேரில் சென்று அஞ்சலி செலுத்தினார்.

அதனைத் தொடர்ந்து செய்தியாளர்களிடம் பேசிய ரஜினிகாந்த், ஒரு முழு வாழ்க்கை வாழ்ந்து மண்ணைவிட்டுப் பிரிந்துள்ளார் சகோதரர் ஆர்.எம். வீரப்பன்.

எம்ஜிஆரின் தனிப்பட்ட வாழ்க்கையிலும், சினிமா வாழ்க்கையிலும் வலது கரமாக செயல்பட்டவர் ஆர்.எம். வீரப்பன்.

அவரால் உருவாக்கப்பட்ட சிஷியர்கள் மத்திய மாநில அமைச்சர்களாக வலம் வந்துகொண்டுள்ளனர்.

ஆர்.எம். வீரப்பன் எப்போதும் பணத்துக்கு பின்னாடி சென்றவரல்ல. அண்ணா கூறிய கடமை, கண்ணியம், கட்டுப்பாட்டை கடைபிடித்து வாழ்ந்தவர்.

அவருடனான என் நட்பு ஆழமானது. என் வாழ்நாளில் அவரை நான் மறக்கவே முடியாது. அவர் நம்முடன் தற்போது இல்லை என்பது மிகவும் வருந்தத்தக்கது எனக் கூறினார்.

ஆர்.எம். வீரப்பன் மறைவு

முன்னாள் முதல்வர்கள் எம்.ஜி.ஆர். மற்றும் ஜெயலலிதாவின் அமைச்சரவையில் 5 முறை அமைச்சராக பதவி வகித்தவர் ஆர்.எம். வீரப்பன்.

சென்னையில் வசித்து வந்த ஆர்.எம். வீரப்பன், மூச்சுத் திணறல் காரணமாக தனியார் மருத்துவமனையில் சிகிச்சைக்காக அனுமதிக்கப்பட்டிருந்தார்.

இந்த நிலையில், மருத்துவர்களின் சிகிச்சைப் பலனளிக்காமல் இன்று பிற்பகல் உயிரிழந்ததாக அறிவிக்கப்பட்டுள்ளது.