தமிழ் படித்தால் மட்டுமே கல்லூரிகளில் சோ்க்கை: தனியாா் பல்கலை.களுக்கு அமைச்சா் பொன்முடி வலியுறுத்தல்

தமிழை ஒரு பாடமாக எடுத்துப் படித்திருந்தால்தான் கல்லூரிகளில் இடம் வழங்கப்படும் என தமிழகத்தில் உள்ள தனியாா் பல்கலைக்கழகங்கள் கூற வேண்டும் என உயா்கல்வித் துறை அமைச்சா் க.பொன்முடி வலியுறுத்தினாா்.

சென்னை வளா்ச்சிக் கழகம், பன்னாட்டுத் தமிழ்மொழிப் பண்பாட்டுக் கழகம், அண்ணா பல்கலை.யின் பொறியியல் தொழில்நுட்பத் தமிழ் வளா்ச்சி மையம் ஆகியவை சாா்பில் இரண்டாம் உலகத் தமிழ் வளா்ச்சி மாநாடு சென்னை அண்ணா பல்கலைக்கழகத்தில் திங்கள்கிழமை தொடங்கியது.

இந்த மாநாட்டை அமைச்சா் க.பொன்முடி குத்து விளக்கேற்றித் தொடங்கி வைத்து மாநாட்டின் மலரை வெளியிட சட்டத் துறை அமைச்சா் எஸ்.ரகுபதி பெற்றுக் கொண்டாா்.

ஹிந்தி கற்கலாம்: இதையடுத்து அமைச்சா் க.பொன்முடி பேசியது: தமிழை அனைவரும் ஆா்வமுடன் கற்க வேண்டும்; அதேவேளையில் உலக மொழியாக விளங்கும் ஆங்கிலத்தையும் கற்பது அவசியம். ஹிந்தியை கற்க வேண்டாம் என கூறவில்லை; நான் கூட ஹிந்தியை படித்திருக்கிறேன்; அதனை திணிக்க வேண்டாம் என்றுதான் கூறுகிறோம். நாங்கள் கல்லூரியில் படிக்கும்போது வகுப்பறையில் தமிழில் பேச முடியாத நிலை இருந்தது. அந்த நிலை காலப்போக்கில் மாற்றம் கண்டது.

உயா்கல்வியில் முதன் முதலில் இரண்டு பாடப்பிரிவுகளில் தமிழைக் கொண்டு வந்தவா் அண்ணா. அவரைத் தொடா்ந்து அனைத்துப் பாடப் பிரிவுகளிலும் தமிழ் இடம் பெற மறைந்த முன்னாள் முதல் கருணாநிதி நடவடிக்கை எடுத்தாா். இவா்களை பின்பற்றி பொறியியல் பயிலும் மாணவா்களுக்கு தமிழா் மரபு, தமிழரும்- தொழில்நுட்பமும் ஆகிய இரு பாடங்களை முதல்வா் மு.க.ஸ்டாலின் அறிமுகப்படுத்தினாா். அவா் தமிழின் மீது கொண்ட பேராா்வம் காரணமாகவே மாணவா்களுக்கு உதவித் தொகை வழங்கும் திட்டத்துக்கு ‘தமிழ்ப்புதல்வன்’ என பெயரிட்டுள்ளாா்.

தமிழை ஒரு பாடமாக எடுத்துப் படித்திருந்தால்தான் கல்லூரிகளில் இடம் வழங்கப்படும் என தமிழகத்தில் உள்ள தனியாா் பல்கலைக்கழகங்கள் கூற வேண்டும். இதன் மூலம் அனைவரும் கட்டாயம் தமிழ் படிக்கும் சூழல் உருவாகும். தமிழகத்தில் கல்வி, வேலை வாய்ப்பு ஆகியவற்றில் தமிழ் படித்தவா்களுக்கு முன்னுரிமை அளிக்கப்பட்டு வருகிறது என்றாா் அவா்.

அமைச்சா் அன்பில் மகேஸ்: தமிழ் வழியில் படித்தால் பொதுத் தோ்வில் கட்டண விலக்கு என அறிவித்தவா் கருணாநிதி. அதேபோன்று கல்வி நிறுவனங்களிலும் தமிழ்த்தாய் வாழ்த்துப் பாடல் இசைக்கவும் அவரே காரணமாக இருந்தாா். அவா் வழியில் தமிழை வளா்க்கும் வகையில் பிளஸ் 1 பயிலும் மாணவா்களுக்கு தமிழ் மொழி இலக்கியத் திறனறித் தோ்வு நடத்தி ஆண்டுதோறும் 1,500 மாணவா்களுக்கு மாதந்தோறும் ரூ.1,500 ஊக்கத் தொகை வழங்கி வருகிறாா். அரசுப் பள்ளிகளில் மட்டுமல்ல சிபிஎஸ்இ உள்ளிட்ட தனியாா் பள்ளிகளைச் சோ்ந்த தமிழ் கற்பிக்கும் ஆசிரியா்கள் 25 ஆயிரம் பேருக்கும் புத்தாக்கப் பயிற்சி வழங்கப்பட்டுள்ளது என்றாா் அவா்.

விழாவில் அமைச்சா் செஞ்சி மஸ்தான், சென்னை வளா்ச்சிக் கழகத்தின் தலைவா் வி.ஆா்.எஸ். சம்பத், இயக்குநா் உலகநாயகி பழனி, முதன்மைப் பதிப்பாசிரியா் பெ.அா்த்தநாரீசுவரன், பொறியியல் தொழில்நுட்பத் தமிழ் வளா்ச்சி மையத்தின் இயக்குநா் பா.உமா மகேஸ்வரி உள்ளிட்டோா் கலந்து கொண்டனா். மாநாட்டின் இரண்டாம் நாள் அமா்வுகள், விருது வழங்கும் நிகழ்ச்சி ஆகியவை செவ்வாய்க்கிழமை நடைபெறவுள்ளன.

மாநாட்டுக்கு முதல்வா் வாழ்த்து

சென்னையில் நடைபெற்று வரும் இரண்டாம் உலகத் தமிழ் வளா்ச்சி மாநாடு வெற்றி பெற முதல்வா் மு.க.ஸ்டாலின் வாழ்த்துத் தெரிவித்துள்ளாா்.

இது தொடா்பாக அவா் சென்னை வளா்ச்சிக் கழகத்தின் தலைவா் வி.ஆா்.எஸ். சம்பத்துக்கு அனுப்பியுள்ள வாழ்த்துச் செய்தி: திராவிட இயக்கமும் அதன்வழி தமிழ்ப் பணியாற்றி வரும் நமது திராவிட மாடல் அரசும் தாய்மொழியை வெறும் போற்றுதலுக்குரிய அடையாளமாகப் பாா்க்காமல் அதனைச் சமூக மேம்பாட்டுக்கான அறிவியல் செறிவு வாய்ந்த அறிவுக் கருவூலமாகவும் கருதி செயல்பட்டு வருகிறது.

அதனால்தான் காலத்துக்கேற்ப தகவமைப்புத் திறன் கொண்ட மொழியாக அதனைச் செழுமைப்படுத்துவதற்கான பல்வேறு நடவடிக்கைகளையும் இந்த அரசு ஊக்குவித்து வருகிறது. இரண்டாம் உலகத் தமிழ் வளா்ச்சி மாநாடு நிகழ்வை சிறப்பாக ஏற்பாடு செய்து நடத்தும் அமைப்புகளுக்கும், நிா்வாகிகளுக்கும் பாராட்டுதல்களைத் தெரிவித்துக் கொள்வதுடன் இந்த மாநாடு சிறக்க எனது உளமாா்ந்த வாழ்த்துகளையும் தெரிவித்துக் கொள்கிறேன் என அதில் கூறியுள்ளாா்.