அழகு முத்துக்கோன் சிலைக்கு முதல்வர் ஸ்டாலின் மரியாதை
சுதந்திரப் போராட்ட வீரர் அழகு முத்துக்கோனின் 314-வது பிறந்த நாள்.
சுதந்திரப் போராட்ட வீரர் அழகு முத்துக்கோனின் 314-வது பிறந்த நாளையொட்டி, அவரது சிலைக்கு தமிழக முதல்வர் மு.க.ஸ்டாலின் வியாழக்கிழமை மரியாதை செலுத்தினார்.
சென்னை எழும்பூரில் உள்ள அழகு முத்துக்கோனின் சிலைக்கு தமிழக அரசு தரப்பில் மரியாதை செலுத்தும் நிகழ்வு இன்று காலை நடைபெற்றது.
இந்த நிகழ்வில், முதல்வர் ஸ்டாலினுடன் அமைச்சர்கள், நாடாளுமன்ற உறுப்பினர்கள், சட்டப்பேரவை உறுப்பினர்கள், சென்னை மேயர் உள்ளிட்டோர் கலந்து கொண்டு மரியாதை செலுத்தினர்.