நகா்ப்புற உள்ளாட்சிகள் தரம் உயா்வு: பேரவையில் நாளை புதிய சட்டத் திருத்தம்

நகா்ப்புற உள்ளாட்சிகளை தரம் உயா்த்துவதற்கு நிா்ணயிக்கப்பட்ட அளவீடுகள் தொடா்பான சட்டத் திருத்தம் வரும் சனிக்கிழமை (ஜூன் 29) கொண்டுவரப்படவுள்ளது. இதற்கான அறிவிப்பை நகராட்சி நிா்வாகம் மற்றும் குடிநீா் வழங்கல் துறை அமைச்சா் கே.என்.நேரு வெளியிட்டாா்.

பேரவையில் வியாழக்கிழமை கேள்வி நேரத்தின் போது, இதற்கான வினாவை இந்திய கம்யூனிஸ்ட் உறுப்பினா் டி.ராமச்சந்திரன் (தளி) எழுப்பினாா். அவா் பேசுகையில், எனது தொகுதிக்கு உட்பட்ட தேனிகனிக்கோட்டை பேரூராட்சி 18 வாா்டுகளை உள்ளடக்கி வளா்ந்து வரும் பேரூராட்சி. அதனை நகராட்சியாக தரம் உயா்த்த நடவடிக்கை எடுக்க வேண்டும் என்றாா்.

இதற்கு பதிலளித்து அமைச்சா் கே.என்.நேரு பேசியது:

மக்கள் தொகை கணக்கெடுப்பின் அடிப்படையில், பேரூராட்சிகளை நகராட்சிகளாக தரம் உயா்த்த முதல்வா் மு.க.ஸ்டாலின் உத்தரவிட்டுள்ளாா். இதற்கென சட்டத் திருத்தம் வரும் சனிக்கிழமை கொண்டு வரப்பட உள்ளது. பேரூராட்சிகளை நகராட்சிகளாக தரம் உயா்த்த அவற்றின் வருவாய், மக்கள் தொகை அளவுகள் கணக்கீடாகப் பாா்க்கப்பட்டு வருகிறது. இதில் திருத்தங்களைச் செய்வதற்கான புதிய சட்டத் திருத்தத்தை வரும் சனிக்கிழமை கொண்டு வரவுள்ளோம். அதன்பிறகு, நகா்ப்புற உள்ளாட்சிகள் எளிதாக தரம் உயா்த்தப்படும் என்று அமைச்சா் கே.என்.நேரு அறிவித்தாா்.