மேட்டூர், அக். 29: மேட்டூர் அணைக்கு நீர்வரத்து நேற்று காலை நிலவரப்படி, 20,255 கன அடியாக இருந்த நிலையில் இன்று விநாடிக்கு 14,273 கன அடியாக குறைந்தது.

காவிரியின் நீர்பிடிப்பு பகுதிகளில் மழை குறைந்ததால் மேட்டூர் அணைக்கு வரும் நீரின் அளவு விநாடிக்கு 20,255 கன அடியிலிருந்து 14,273 கன அடியாக சரிந்துள்ளது.

இந்த நிலையில், மேட்டூர் அணையில் நீர்மட்டம் இன்று(அக். 29) காலை நிலவரப்படி, 107.54 அடியில் இருந்து 108.22 அடியாக உயர்ந்துள்ளது.

அணையில் இருந்து காவிரி டெல்டா பாசனத்திற்கு விநாடிக்கு 2,500 கன அடி வீதமும், கிழக்கு மேற்கு கால்வாய் பாசனத்திற்கு விநாடிக்கு 600 கன அடி வீதமும் தண்ணீர் திறக்கப்பட்டு வருகிறது. அணையின் நீர் இருப்பு 75.90 டிஎம்சியாக உள்ளது.