பௌா்ணமி கிரிவலத்தை முன்னிட்டு விழுப்புரத்தில் இருந்து திருவண்ணாமலைக்கு வெள்ளி, சனி மற்றும் ஞாயிற்றுக்கிழமைகளில் சிறப்பு ரயில் இயக்கப்படவுள்ளது.

இது குறித்து தெற்கு ரயில்வே புதன்கிழமை வெளியிட்ட செய்திக் குறிப்பு:

விழுப்புரத்தில் இருந்து திருவண்ணாமலைக்கு செப்.20 முதல் நவ.24-ஆம் தேதி வரை வெள்ளி, சனி மற்றும் ஞாயிற்றுக்கிழமைதோறும் இரவு 9.15 மணிக்கு முன்பதிவில்லா பெட்டிகள் கொண்ட சிறப்பு மெமு ரயில் (எண்: 06145) இயக்கப்படும்.

மறுமாா்க்கமாக, திருவண்ணாமலையில் இருந்து விழுப்புரத்துக்கு செப்.21 முதல் நவ.25-ஆம் தேதி வரை சனி, ஞாயிறு மற்றும் திங்கள்கிழமைதோறும் அதிகாலை 3.30 மணிக்கு சிறப்பு மெமு ரயில் (எண்: 06146) இயக்கப்படும்.

இந்த ரயில் வெங்கடேசபுரம், மாம்பழப்பட்டு, ஆயந்தூா், திருக்கோவிலூா், ஆதிச்சனூா், அண்டம்பள்ளம், தண்டரை வழியாக இயக்கப்படும் எனத் தெரிவிக்கப்பட்டுள்ளது.