கங்கை அமரன் மருத்துவமனையில் அனுமதி!

இயக்குநரும் இசையமைப்பாளருமான கங்கை அமரன் உடல்நலக் குறைவால் மருத்துவமனையில் அனுமதிக்கப்பட்டுள்ளார்.

சிவகங்கை அருகே படப்பிடிப்பின்போது உடல்நலக் குறைவு ஏற்பட்டதால், மானாமதுரை அரசு மருத்துவமனையில் அனுமதிக்கப்பட்டார். பின்னர் அங்கிருந்து மேல்சிகிச்சைக்காக மதுரைக்கு மாற்றப்பட்டுள்ளார்.

இசையமைப்பாளர் இளையராஜாவின் சகோதரரான கங்கை அமரன், தமிழ் திரைத் துறையில் இயக்குநராகவும், இசையமைப்பாளராகவும், பாடலாசிரியராகவும், பாடகராகவும் நன்று அறியப்படுபவர்.

தமிழில் ஒரு விடுகதை ஒரு தொடர்கதை என்ற படத்தின் மூலம் 1979-ஆம் ஆண்டு இசைமையப்பாளராக திரைத் துறையில் அடியெடுத்துவைத்தார் கங்கை அமரன். பின்னர் கோழிக் கூவுது படத்தின் மூலம் 1982-ல் இயக்குநராக அறிமுகமானார். பல படங்களுக்கு பாடல்களை எழுதிய அவர், பாடல்களையும் பாடியுள்ளார்.

தற்போது 77 வயதாகும் கங்கை அமரன், புதிய படத்தில் நடித்து வருகிறார். சிவகங்கை சிற்றுவட்டாரப் பகுதிகளில் படப்பிடிப்பு நடந்துகொண்டிருந்தபோது திடீரென உடல்நலக் குறைவு ஏற்பட்டுள்ளது.

இதனைத் தொடர்ந்து அவர், மானாமதுரை அரசு மருத்துவமனையில் அனுமதிக்கப்பட்டார். அங்கு அவருக்கு முதலுதவி சிகிச்சைகள் அளிக்கப்பட்டன.

இதனை அடுத்து மேல் சிகிச்சைக்காக மதுரைக்கு அழைத்துச்செல்லப்பட்டுள்ளார்.

இதையும் படிக்க | சொல்லப் போனால்... 1 டாலர் – 100 ரூபாய்?