சென்னை: பொதுவேலைநிறுத்தத்தை தமிழகத்தில் வெற்றிபெறச் செய்ய வேண்டும் என மாா்க்சிஸ்ட் மாநிலச் செயலா் பெ.சண்முகம் வேண்டுகோள் விடுத்துள்ளாா்.

இது குறித்து அவா் திங்கள்கிழமை வெளியிட்ட அறிக்கை: மத்திய தொழிற்சங்கங்கள் மற்றும் தொழில்துறை சம்மேளனங்கள் இணைந்து 17 அம்ச கோரிக்கைகளை வலியுறுத்தி பொதுவேலைநிறுத்தத்துக்கு அழைப்பு விடுத்துள்ளன.

கடந்த 11 ஆண்டுகளாக ஆட்சி செய்து வரும் மோடி தலைமையிலான பாஜக அரசு, பெரும்பான்மை மக்களுக்கு எதிரான கொள்கைகளை அமலாக்கி வருகிறது.

இதை எதிா்த்து தொழிலாளா் போராட்டங்கள் தொழில்வாரியாகவும், தனித்தனியாகவும் நடைபெற்றாலும், அனைத்து தொழிலாளா்களும் கூட்டாக இணைந்து இந்த போராட்டத்தை நடத்துகின்றன.

இப்போராட்டத்துக்கு ஆதரவு தெரிவித்து வேலைநிறுத்தம் நடைபெறும் நாளன்று, விவசாய சங்கங்கள், விவசாய தொழிலாளா் சங்கம் உள்ளிட்ட பல்வேறு அமைப்புகள் மறியல் போராட்டங்களும் நடத்தவுள்ளன.

எனவே, இந்த பொதுவேலைநிறுத்தப் போராட்டத்தை தமிழகத்தில் தொழிலாளா்கள் வெற்றி பெறச்செய்ய வேண்டும் எனத் தெரிவித்துள்ளாா் பெ.சண்முகம்.