முன்னாள் அமைச்சா் ஆா்.எம்.வீரப்பனின் மகன் வீ.தமிழ் அழகன் (70) சென்னையில் சனிக்கிழமை காலமானாா்.

இவா் நடிகா் ரஜினிகாந்தின் ‘பாட்ஷா’, ‘பணக்காரன்’, ‘மூன்று முகம்’, ‘காக்கிச்சட்டை’ உள்ளிட்ட பல்வேறு வெற்றிப் படங்களை தயாரித்துள்ளாா்.

சென்னை தியாகராய நகரில் உள்ள வீ.தமிழ் அழகன் இல்லத்தில் அவரது உடலுக்கு திரைத் துறையினா் பலா் ஞாயிற்றுக்கிழமை நேரில் அஞ்சலி செலுத்தினா். தொடா்ந்து தியாகராய நகா் மின்மயானத்தில் அவரது இறுதிச்சடங்கு நடைபெற்றது.

முதல்வா் இரங்கல்: வீ.தமிழ் அழகன் மறைவு தொடா்பாக முதல்வா் மு.க.ஸ்டாலின் வெளியிட்ட இரங்கல் பதிவு: அரசியலிலும், கலைத் துறையிலும் திறம்படச் செயலாற்றி அனைவரது நன்மதிப்பை பெற்றிருந்த முன்னாள் அமைச்சா் இராம. வீரப்பனின் மூத்த மகன் வீ. தமிழ் அழகன் மறைவெய்திய செய்தியறிந்து மிகவும் வருந்தினேன்.

திரைத்துறையில் தயாரிப்பாளராக முத்திரை பதித்த தமிழ் அழகனின் பிரிவால் வாடும் அவரது குடும்பத்தினா், உறவினா், நண்பா்கள் அனைவருக்கும் ஆறுதலை உரித்தாக்குகிறேன்.

நடிகா் ரஜினி அஞ்சலி: வீ.தமிழ் அழகன் மறைவுக்கு நடிகா் ரஜினிகாந்த் அஞ்சலி செலுத்தியுள்ளாா். அவா் ‘எக்ஸ்’ தளத்தில் வெளியிட்ட பதிவில், ‘ஆா்.எம்.வீரப்பனின் மகன் தமிழ் அழகனின் திடீா் மறைவு மிகுந்த வேதனையளிக்கிறது. அவருடைய ஆத்மா சாந்தியடையட்டும். அவரது குடும்பத்தாருக்கு என் ஆழ்ந்த அனுதாபங்கள்’ என தெரிவித்துள்ளாா்.