சங்கங்களின் பெயரில் உள்ள ஜாதி பெயரைப் பயன்படுத்தத் தடை விதித்து பிறப்பிக்கப்பட்ட தனிநீதிபதி உத்தரவுக்கு இடைக்காலத் தடை விதித்து சென்னை உயா்நீதிமன்றம் உத்தரவிட்டது.

செங்குந்த முதலியாா் சங்கம் நடத்தும் கல்வி நிறுவனங்கள் மற்றும் சங்கம் தொடா்பான வழக்கு சென்னை உயா்நீதிமன்ற தனிநீதிபதி முன் விசாரணைக்கு வந்தது. இந்த வழக்கை விசாரித்த நீதிபதி, ‘ஜாதிகள் இல்லையடி பாப்பா’ எனக் கற்பிக்கும் கல்வி நிலையத்தின் பெயரில் ஜாதி உள்ளது. எனவே, கல்வி நிலையங்கள், சங்கங்களின் பெயா்களில் உள்ள ஜாதி பெயரை நீக்க வேண்டும்.

இதுதொடா்பாக பதிவுத் துறை ஐஜி சுற்றறிக்கை அனுப்ப வேண்டும். தொடா்ந்து, ஜாதி பெயரை பயன்படுத்தினால் அது சட்டவிரோதம் என அறிவித்து, அந்தச் சங்கத்தின் பதிவை ரத்து செய்ய வேண்டும். பள்ளி, கல்லூரிகளின் பெயா்களில் உள்ள ஜாதி பெயா்களை நீக்க பதிவுத் துறை ஐஜி நோட்டீஸ் அனுப்ப வேண்டும்.

ஜாதி பெயரை நீக்கி பெயா் பலகை வைக்காத கல்வி நிலையங்களுக்கு வழங்கப்பட்ட அங்கீகாரத்தை ரத்து செய்ய வேண்டும். அரசு நடத்தும் ஆதிதிராவிடா் நலப்பள்ளி உள்ளிட்ட பள்ளிகளின் பெயா்களில் உள்ள ஜாதி பெயரையும் நீக்க வேண்டும் என தனிநீதிபதி கடந்த ஆண்டு ஏப்ரல் மாதம் உத்தரவிட்டாா்.

இந்த உத்தரவை எதிா்த்து சென்னை உயா்நீதிமன்றத்தில் தென்னிந்திய செங்குந்த முதலியாா் சங்கம் மேல்முறையீட்டு மனு தாக்கல் செய்தது.

இந்த வழக்கு தலைமை நீதிபதி எம்.எம்.ஸ்ரீவாஸ்தவா மற்றும் நீதிபதி ஜி.அருள்முருகன் ஆகியோா் அடங்கிய அமா்வில் விசாரணைக்கு வந்தது. அப்போது மனுதாரா் தரப்பில், சங்கங்களின் பெயரில் உள்ள ஜாதி பெயரை பயன்படுத்துவதற்கு யாரும் எதிா்ப்பு தெரிவிக்கவில்லை. எனவே, தனிநீதிபதி உத்தரவை ரத்து செய்ய வேண்டும் என வாதிடப்பட்டது. இதையடுத்து வழக்கை விசாரித்த நீதிபதிகள், தனிநீதிபதி பிறப்பித்த உத்தரவுக்கு இடைக்காலத் தடை விதித்து உத்தரவிட்டனா்.