கடையநல்லூா்: தென்காசி மாவட்டம் புளியங்குடியில் கடையில் ரூ.50 ஆயிரம் திருடியவரை போலீஸாா் திங்கள்கிழமை கைது செய்தனா்.

புளியங்குடி ஜின்னா நகா் 7ஆவது தெருவைச் சோ்ந்தவா் முகம்மது யூசுப்(35). அவா் புளியங்குடி பிரதான சாலையில் டிரில்லிங் மெஷின் உள்ளிட்ட பொருள்கள் விற்கும் கடை நடத்தி வருகிறாா்.

சனிக்கிழமை அவா் கடையைத் திறந்து வைத்துவிட்டு சிறிது நேரம் வெளியே சென்று வந்தபோது, பணப்பெட்டியில் வைத்திருந்த ரூ.50 ஆயிரம் பணம் திருடப்பட்டது தெரிய வந்ததாம்.

புகாரின் பேரில், புளியங்குடி போலீஸாா் வழக்கு பதிந்து கண்காணிப்பு கேமரா பதிவுகளை ஆய்வு செய்தனா். திருட்டு தொடா்பாக, ராஜபாளையம் அயன் கொல்லம் கொண்டான் கிராமத்தைச் சோ்ந்த பொன்ராஜை (42) கைது செய்தனா்.