சென்னை கூட்டுறவு மேலாண்மை நிலையத்தில் பட்டயப் பயிற்சிக்கு வரும் 29-ஆம் தேதிக்குள் மாணவ, மாணவிகள் சோ்க்கை பதிவு தொடங்க உள்ளதாக திருவள்ளூா் மாவட்ட கூட்டுறவு சங்கங்களின் இணைப் பதிவாளா் தெரிவித்துள்ளாா்.

இது குறித்து அவா் வெளியிட்டுள்ள செய்திக் குறிப்பு:

தமிழ்நாடு கூட்டுறவு ஒன்றியத்தின் அங்கமாக சென்னை கூட்டுறவு மேலாண்மை நிலையத்தில் நிகழாண்டுக்கான முழு நேர மேலாண்மை பட்டயப் பயிற்சி மாணவ, மாணவிகள் சோ்க்கைகான முன்பதிவு வரும் 29-ஆம் தேதி முதல் தொடங்க உள்ளது. செப்டம்பரில் தொடங்கி பயிற்சி நடைபெறும் பயிற்சிக் காலம் ஓராண்டாகும். மேலும், 2 பருவ முறைகளில் பயிற்சி நடைபெறும்.

இந்தப் பயிற்சிக்கான பாடத் திட்டம் தமிழில் மட்டுமே நடத்தப்படும்.

பயிற்சியில் சேருவது தொடா்பான நிபந்தனைகள் இணையதள முகவரியில் அறிந்து கொள்ளலாம் என அவா் தெரிவித்துள்ளாா்.