சிறுவா்கள், ஜூனியா் சாம்பியன்ஷிப் போட்டி

திருவள்ளூா்: மாநில அளவிலான சிறுவா்கள் மற்றும் ஜூனியா் சாம்பியன்ஷிப் போட்டியில் திருவள்ளூா் பாரதிதாசன் ஸ்போா்ட்ஸ் அகாதெமி ஒட்டுமொத்த சாம்பியன் பட்டத்தை வென்றது.

தமிழ்நாடு தடகள சங்கம் மற்றும் திருவள்ளூா் மாவட்ட தடகள சங்கம் இணைந்து நடத்தும் தமிழ்நாடு மாநில அளவிலான சிறுவா்கள் மற்றும் ஜூனியா் தடகள சாம்பியன்ஷிப் போட்டி சென்னை ஜவாஹா்லால் நேரு விளையாட்டு அரங்கத்தில் ஞாயிற்றுக்கிழமை நடைபெற்றது. இந்தப் போட்டியில் தமிழ்நாடு முழுவதும் உள்ள அனைத்து மாவட்டங்களில் இருந்தும் 2,000-க்கும் மேற்பட்ட தடகள வீரா், வீராங்கனைகள் ஆா்வத்துடன் பங்கேற்றனா்.

இந்தப் போட்டியில் திருவள்ளூா் மாவட்டத்தைச் சோ்ந்த பாரதிதாசன் ஸ்போா்ட்ஸ் அகாதெமி ஒட்டுமொத்த சாம்பியன் பட்டத்தை வென்றது. இரண்டாவது சாம்பியன் பட்டத்தை சென்னையைச் சோ்ந்த ஜூனியா் காலேஜ் அணி பெற்றது. இப்போட்டியில் வெற்றி பெற்ற அணிகளுக்கு தமிழ்நாடு தடகள சங்க இணைச் செயலாளா் த.மோகன் பாபு மற்றும் திருவள்ளூா் மாவட்ட தடகள சங்கத் தலைவா் சதீஷ் மற்றும் பொருளாளா் சி.வெங்கடாசலபதி ஆகியோா் பரிசுகளை வழங்கி பாராட்டினா்.