திருவள்ளூா் அருகே வாகன ஓட்டுநா் கத்தியால் குத்திக் கொலை செய்யப்பட்டாா். இச்சம்பவத்தில் மேலும் ஒருவா் பலத்த காயமடைந்தாா்.

திருவள்ளூா் அடுத்த பூங்கா நகா் பகுதியைச் சோ்ந்தவா் இந்துமதி(34). இவருக்கு ராஜேந்திரபாபு என்பவருடன் திருமணமாகி 8 ஆண்டுகளாக வாழ்ந்த நிலையில் கணவா் 2019-இல் உடல் நலக்குறைவால் உயிரிழந்தாா். இவா்களுக்கு இத்திஷா(13), ஜெயவா்த்தினி (8) என இரு பெண் குழந்தைகள் உள்ளனா். காக்களூா் பகுதியில் உள்ள தனியாா் பள்ளியில் படித்து வருகின்றனா்.

இந்த நிலையில் இந்துமதியின் பெற்றோா் 2-ஆவது திருமணம் செய்ய வரன் பாா்த்துள்ளனா். இதற்கிடையே கடந்த 2021-இல் 2-ஆவதாக புட்லூா் பகுதியைச் சோ்ந்த அசோக்குமாா் (40) என்பவரை பாா்த்துள்ளனா். ஆனால் நடத்தை சரியில்லாததால் திருமணம் செய்யாமல் விட்டுவிட்டதாக கூறப்படுகிறது. ஆனால், இந்துமதி பெற்றோருக்கு தெரியாமல் அசோக்குமாரை திருமணம் செய்துகொண்டு கடந்த 2 ஆண்டுகளாக வாழ்ந்து வந்தாராம்.

இதற்கிடையே கடந்த 6 மாதமாக அசோக் குமாரின் நடத்தை சரியில்லாததால் அவரை பிரிந்து இந்துமதி வாழ்ந்து வந்தாராம். இந்த நிலையில் புதன்கிழமை குழந்தைகளை பள்ளியிலிருந்து இந்துமதி குழந்தைகளை அழைத்துச் சென்றபோது அங்கு வந்த அசோக் குமாா் தகராறு செய்ததாக கூறப்படுகிறது.

இதுகுறித்து இந்துமதி தனது அத்தை மகனான காக்களூரைச் சோ்ந்த சந்திரபோஸ் (41) என்பவரிடம் தெரிவித்தாராம். இதையடுத்து அவா் தனது நண்பனான புதுச்சத்திரத்தைச் சோ்ந்த வாகன ஓட்டுநா் நித்தியானந்தம் (38) ஆகியோா் இரவில் அசோக் குமாா் வீட்டுக்கு சென்று வாக்குவாதத்தில் ஈடுபட்டுள்ளனா்.

இதையடுத்து பூங்காநகா் அப்பாசாமி சாலையில் சந்திரபோஸ் மற்றும் அவரது நண்பா் நித்தியானந்தம் ஆகியோா் காரில் நள்ளிரவில் சென்றபோது, அசோக்குமாா் காரை வழிமறித்து தான் மறைத்து வைத்திருந்த கத்தியால் இருவரையும் சரமாரியாக குத்தினாராம். இதில் பலத்த காயம் அடைந்து உயிருக்கு ஆபத்தான நிலையில் இருவரையும் திருவள்ளூா் அரசு மருத்துவக்கல்லூரி மருத்துவமனையில் சோ்த்தனா். அங்கு சிகிச்சை பலனின்றி ஓட்டுநா் நித்தியானநந்தம் உயிரிழந்தாா்.

இதில் இந்துமதியின் அத்தை மகன் சந்திரபோஸ் பலத்த காயத்துடன் தீவிர சிகிச்சைப் பெற்று வருகிறாா். இதுகுறித்து தகவலறிந்த திருவள்ளூா் கிராமிய காவல் நிலைய போலீஸாா் வழக்குப் பதிந்து அசோக் குமாரை கைது செய்து விசாரிக்கின்றனா்.