செல்போனைக் காணவில்லை என்றால்.. வேறு ஒரு செல்போனில் இருந்து அழைப்பை மேற்கொண்டு கண்டுபிடித்து விடலாம்.

அதுபோலவே வண்டிச் சாவி, நமது கைப்பை அல்லது மிகச் சிறிய பொருட்களை தேடும் போது, இந்த வாய்ப்பு இல்லையே என்று நீங்கள் யாராவது வருத்தப்பட்டிருப்பீர்களா?

ஆம், அதுபோல யோசித்த போது கண்டுபிடிக்கப்பட்டது தான் சிபோலோ ஒன்.

சூப்பர் ஸ்மார்ட் டிராக்கர் என்ற விளம்பரத்துடன் விற்பனைக்கு வந்துள்ளது. சிபோலோ ஒன். இதனை சாவி அல்லது கைப்பை என எதனுடன் இணைத்து வைத்தாலும், அது எங்கிருக்கிறது என்பதை எளிதாகக் கண்டுபிடித்து விடலாம்.

நமது செல்போனில் இதற்கான செயலியைப் பதிவிறக்கம் செய்து வைத்துக் கொள்ள வேண்டும். இந்த சிபோலோவை சாவியுடன் இணைத்து வைத்துக் கொள்ள வேண்டும். ஒரு வேளை, சாவி தொலைந்து விட்டால், செல்போனில் ஆப் மூலம் தேடினால், அது எங்கிருக்கிறதோ அங்கிருந்து சத்தம் அல்லது வெளிச்சம் வரும். 

சிஆர் 2032 பாட்டரியுடன் இரண்டு ஆண்டு கால கியாரண்டியும் கிடைக்கிறது. 60 மீட்டர் தொலைவு வரை இது செயல்படும். இதன் விலை ரூ.2,0000.