பிரபல டேட்டிங் செயலியான டிண்டர் 'ஸ்வைப் நைட்' என்ற விடியோ சீரிஸை விரைவில் அறிமுகப்படுத்த உள்ளது. 

பிரபல டேட்டிங் செயலியான டிண்டர் செயலி இளைஞர்களிடையே பிரபலமடைந்து வருகிறது. ஜிபிஎஸ் ட்ராக்கிங்குடன் செயல்படும் இதனை பயன்படுத்தி பலர் டேட்டிங் செய்கின்றனர். போதுமான பாதுகாப்பு அம்சங்களும் இந்த செயலியில் இடம் பெற்றுள்ளன. 

இந்நிலையில், டிண்டர் செயலி புதிய விடியோ சீரிஸ் ஒன்றை இந்தியாவில் தொடங்கவுள்ளது. தொடர் விடியோ நிகழ்ச்சியான 'ஸ்வைப் நைட்' என்ற விடியோ தொடரை விரைவில் அறிமுகம் செய்யவுள்ளது. 

கடந்த ஆண்டு பிற்பகுதியில் அமெரிக்காவில் அறிமுகப்படுத்தப்பட்டது. அங்கு பயனர்களிடையே வரவேற்பைப் பெற்ற நிலையில், வருகிற மார்ச் மாதத்தில் இந்தியாவில் ஸ்வைப் நைட்டை வெளியிட உள்ளது டிண்டர் நிறுவனம். இதற்கான தீவிர முயற்சியில் தொழில்நுட்ப வல்லுநர்கள் இறங்கியுள்ளனர். அதிகபட்சமாக அக்டோபர் மாதத்தில் பயனர்களிடையே மிகப்பெரிய வரவேற்பைப் பெறும் என்று நிறுவனம் தரப்பில் எதிர்பார்க்கப்படுகிறது.