ஹவாய் நிறுவனத்தின் துணை நிறுவனமான ஹானர்(HONOR) தனது புதிய தயாரிப்புகளை விரைவில் அறிமுகப்படுத்த உள்ளது. 

ஹானர் 9 எக்ஸ் புரோ, ஹவாய் ஆப் கேலரி, ஹானர்வியூ 30 ப்ரோ மற்றும் ஹானர் மேஜிக் புக் சீரிஸ் உள்ளிட்ட புதுவரவுகள் விரைவில் அறிமுகமாகவுள்ளன. 

ஹானரின் அதிநவீன தயாரிப்புகள் வாடிக்கையாளர்களிடையே நிறைவான அனுபவத்தை ஏற்படுத்துகிறது. எனவே நவீன தொழில்நுட்பத்தில் பல புதிய சாதனங்களை அறிமுகப்படுத்துகிறோம். 

கனலிஸ் நடத்திய ஆய்வின்படி, கணக்கெடுக்கப்பட்டவர்களில் 41 சதவீதம் பேர் பணியில் இருக்கும்போது ஒன்றுக்கு மேற்பட்ட ஸ்மார்ட் சாதனங்களை கொண்டு செல்கின்றனர். பயணத்தின்போது அல்லது வீட்டில் இருக்கும்போது இது 68 சதவீதமாக அதிகரிக்கும் என்று ஹானர் குளோபலின் தலைவர் ஜார்ஜ் ஜாவோ ஒரு அறிக்கையில் தெரிவித்துள்ளார்.

இது டிஜிட்டல் தேவைகள் தொடர்ந்து அதிகரித்து வருவதைக் காட்டுகிறது. ஸ்மார்ட்போன்கள் முதல் டிஜிட்டல் நோட்புக்குகள், தனிப்பட்ட ஆடியோ சாதனங்கள் வரை, உலகெங்கிலும் உள்ள டிஜிட்டல் தேவை பன்மடங்கு உயர்ந்துள்ளது.

இந்நிலையிலே ஹானர் நிறுவனம், டிஜிட்டல் மேஜிக் புக் 14 மற்றும் மேஜிக் புக் 15 முறையே 14 அங்குல மற்றும் 15.6 அங்குல லேப்டாப் சாதனங்களை விரைவில் அறிமுகப்படுத்தவுள்ளன. 

கிரின் 990 5ஜி சிப்செட் மூலம் இவை இயக்கப்படுகின்றன. வியூ 30 ப்ரோ 6.7 இன்ச் 1080p டிஸ்ப்ளே, துளை-பஞ்ச் செல்பி கேமரா மற்றும் 4,100 எம்ஏஎச் பேட்டரியைக் கொண்டுள்ளது

மேலும், ஹானரின் மடிக்கணினிகளில் கைரேகை ஸ்கேனர்கள் மற்றும் வெப்கேம்கள் உள்ளிட்ட வசதிகள் உள்ளன. மேற்குறிப்பிட்ட இரு சாதனங்களும் 8 ஜிபி ரேம் மற்றும் 256 ஜிபி எஸ்எஸ்டி சேமிப்பகத்துடன் ஜோடியாக AMD ரைசன் 5 3500U ப்ராசசரை கொண்டிருக்கும்.