புகைப்படப் பிரியர்களுக்காக புதிய கேனான் ஈஓஎஸ் 850டி கேமரா!

நவீன தொழில்நுட்பத்துடன் கூடிய புதிய கேனான் ஈஓஎஸ் 850டி (EOS 850D )கேமரா இந்தியாவில் அறிமுகப்படுத்தப்பட்டுள்ளது. 

கேனான் ஈஓஎஸ் 850டி கேமரா, இரட்டை பிக்சல் சிஎம்ஓஎஸ் ஏஎஃப், ஈஓஎஸ் இன்டெலிஜெண்ட் ட்ராக்கிங், ஆப்டிகல் வ்யூஃபைண்டர் மற்றும் முகம் கண்டறிதலுக்கான அதிவேக ஆட்டோ ஃபோகஸ் (ஐ.டி.ஆர்.ஏ.எஃப்) மற்றும் 4K வீடியோ ஆகிய சிறப்பம்சங்களைக் கொண்டுள்ளது. இதன் விலை குறித்து இன்னும் அறிவிப்பு வெளியாகவில்லை. 

கேனான் பயனர்களின் உணர்வுகளைப் புரிந்துகொண்டு  அவர்களின் தேவைகளுக்கு ஏற்ப இதனை வடிவமைத்துள்ளோம். முடிந்த வரையில் சிறப்பான வாடிக்கையாளரின் சேவையை வழங்க முயற்சி செய்து வருகிறோம். மலிவான விலையில் ஒரு தயாரிப்பை விரைவில் வழங்க இருக்கிறோம். புகைப்படப் பயணத்தில் கேனான் முக்கியப் பங்காற்றும் என நிறுவனத்தின் தலைமை நிர்வாக அதிகாரி கசுதாடா கோபயாஷி தெரிவித்தார். 

மேலும், புகைப்பட ஆர்வலர்கள் மற்றும் தொழில் வல்லுநர்கள் தங்கள் படைப்புத் திறன்களை மேம்படுத்துவதற்கான புதிய கேனான் ஈஓஎஸ் 850டி உதவும் என்றும் கூறினார்.