‘நோக்கியோ ஜி21’ ஸ்மார்ட்போனை இந்திய சந்தைகளில் எச்எம்டி குளோபல் நிறுவனம் இன்று விற்பனைக்கு அறிமுகம் செய்துள்ளது.

மூன்று நாள்கள் பேட்டரி நிற்கும் வகையில் வடிவமைக்கப்பட்ட இந்த போன், இரண்டு வகைகளாக விற்பனை செய்யப்படுகிறது. 4ஜிபி ரேம் - 64ஜிபி சேமிப்பு கொண்ட மொபைலின் விலை ரூ. 12,999. 6ஜிபி ரேம் - 128ஜிபி சேமிப்பு கொண்ட மொபைலின் விலை ரூ. 14,999 ஆகும்.

6.5 இன்ச் எச்.டி. டிஸ்பிளே, 50 எம்பி ப்ரைமரி கேமிரா, 2 எம்பி மேக்ரோ கேமிரா, 2 எம்பி சென்சார் ஆகிய மூன்று கேமிராக்கள் பின்புறமும், 8 எம்பி முன்புற கேமிராவும் உள்ளன.

இந்த ஸ்மார்ட்போன் குறித்து எச்எம்டி குளோபல் நிறுவனத்தின் துணைத் தலைவர் சன்மீத் சிங் கோச்சார், விலை உயர்ந்த ஸ்மார்ட்போன்களின் அனுபவங்களை பயனர்களுக்கு நோக்கியா ஜி21 வழங்கும் எனத் தெரிவித்தார்.

இத்துடன் நோக்கியா 105, நோக்கியா 105 பிளஸ் மற்றும் நோக்கியா கம்ஃபோர்ட் இயர்பட், நோக்கியா கோ இயர்பட் உள்ளிட்டவையும் அறிமுகம் செய்யப்பட்டுள்ளன.