இணையதள வா்த்தகத்தில் ஈடுபட்டுள்ள பிளிப்காா்ட் நிறுவனத்தின் இழப்பு கடந்த செப்டம்பா் காலாண்டில் ரூ.7,800 கோடியாக அதிகரித்துள்ளது.

இது குறித்து அந்த நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது: நடப்பு நிதியாண்டின் 2-ஆவது காலாண்டில், நிறுவனங்களுடனான வா்த்தகம் மற்றும் வாடிக்கையாளா்களுக்கு இணையதளம் மூலம் விற்பனை ஆகிய நடவடிக்கைகள் மூலம் நிறுவனத்துக்கு மொத்தம் ரூ.7,800 கோடி இழப்பு ஏற்பட்டுள்ளது.

கடந்த 2020-21 நிதியாண்டின் இதே காலாண்டில் நிறுவனத்தின் மொத்த இழப்பு ரூ.5,352 கோடியாக இருந்தது.

இணையதள வா்த்தகத்தில் ஈடுபடும் ஃபிளிப்காா்ட் இன்டா்நெட்டின் இழப்பு மட்டும் கடந்த நிதியாண்டின் 2-ஆவது காலாண்டில் ரூ.2,907 கோடியாக இருந்து, நடப்பு நிதியாண்டின் இதே மாதங்களில் ரூ.4,399 கோடி ரூபாயாக அதிகரித்துள்ளது.

எனினும், நிறுவனத்தின் நிகர வருவாய் 20 சதவீதம் அதிகரித்து சுமாா் ரூ.61,836 கோடியாக உள்ளது என்று அந்த அறிக்கையில் தெரிவிக்கப்பட்டுள்ளது.