புது தில்லி: டாடா மோட்டாா்ஸ் நிறுவனத்தின் உலகளாவிய விற்பனை கடந்த நவம்பரில் 74,172-ஆக உள்ளது.

இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:

உலகம் முழுவதும் நிறுவனம் கடந்த நவம்பரில் 74,172 வாகனங்களை விற்பனை செய்தது.

முந்தைய 2022-ஆம் ஆண்டின் இதே மாதத்தில் இந்த எண்ணிக்கை 75,478-ஆக இருந்தது. அதனுடன் ஒப்பிடுகையில் தற்போது நிறுவனத்தின் உலகளாவிய விற்பனை 1.73 சதவீதம் குறைந்துள்ளது.

2022 நவம்பரில் 73,467-ஆக இருந்த நிறுவனத்தின் உள்நாட்டு மொத்த விற்பனை கடந்த ஏப்ரலில் 1 சதவீதம் குறைந்து 72,64-ஆக உள்ளது.

மின்சார வாகனங்கள் உள்ளிட்ட பயணிகள் வாகனங்களின் ஒட்டுமொத்த விற்பனை மதிப்பீட்டு மாதத்தில் 46,143-ஆக உள்ளது. இது முந்தைய 2022 நவம்பா் மாத உள்நாட்டு பயணிகள் வாகன விற்பனையோடு (46,425) ஒப்பிடுகையில் 1 சதவீதம் குறைவாகும்.

கடந்த நவம்பரில் 29,053-ஆக இருந்த வா்த்தக வாகனங்களின் விற்பனை 4 சதவீதம் குறைந்து 28,029-ஆக உள்ளது என்று அந்த செய்திக்குறிப்பில் தெரிவிக்கப்பட்டுள்ளது.