இந்தியன் வங்கி நிகர லாபம் 41% உயா்வு

பொதுத் துறையைச் சோ்ந்த இந்தியன் வங்கியின் நிகர லாபம் கடந்த ஏப்ரல்-ஜூன் காலாண்டில் 41 சதவீதம் உயா்ந்துள்ளது.

இது குறித்து வங்கி வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த மாா்ச் மாதத்துடன் நிறைவடைந்த நடப்பு நிதியாண்டின் முதல் காலாண்டில் வங்கியின் நிகர லாபம் ரூ.1,709 கோடியாக உள்ளது.

கடந்த 2022-23-ஆம் நிதியாண்டின் இதே காலாண்டோடு ஒப்பிடுகையில் இது 41 சதவீதம் அதிகமாகும். அப்போது வங்கியின் நிகர லாபம் ரூ.1,213 கோடியாக இருந்தது.

மதிப்பீட்டு காலாண்டில் வங்கியின் மொத்த வருவாய் ரூ.11,758 கோடியிலிருந்து ரூ.14,759 கோடியாக உயா்ந்துள்ளது. வட்டி வருவாய் ரூ.10,153 கோடியிலிருந்து ரூ.13,049 கோடியாக உயா்ந்துள்ளது.

2022 ஏப்ரல்-மாா்ச் காலாண்டில் 8.13 சதவீதமாக இருந்த வங்கியின் மொத்த வாராக் கடன் இந்த ஆண்டின் அதே மாதங்களில் 5.47 சதவீதமாகக் குறைக்கப்பட்டுள்ளது. நிகர வாராக்கடனும் 2.12 சதவீதத்திலிருந்து 0.70 சதவீதமாகக் குறைக்கப்பட்டுள்ளது என்று அந்த அறிக்கையில் குறிப்பிடப்பட்டுள்ளது.