அமெரிக்காவில் மனிதர்களைப் போன்று சமையலறையில் நின்று வீட்டு வேலை செய்வதற்கு தானியங்கி இயந்திரங்கள் வடிவமைக்கப்பட்டுள்ளன.  

அமெரிக்காவின் ஸ்டேன்ஃபோர்டு பல்கலைக் கழகமும் கூகுள் டீப்மைன்ட் நிறுவனமும் இணைந்து வீட்டு வேலை செய்வதற்கான இயந்திரத்தை வடிவமைத்துள்ளன.

செய்யறிவு தொழில்நுட்பத்தில் செயல்படும் இந்த இயந்திரங்களுக்கு 50 வகையான மனிதர்களின் நடவடிக்கைகள் சமையலறையில் பணி செய்வதற்கான உள்ளீடாகக் கொடுக்கப்பட்டுள்ளன. இதனை ரிமோட் மூலமும் கட்டுப்படுத்தலாம். 

உணவுகளை சமைப்பது, பாத்திரங்களை கழுவி சீர்படுத்துவது, பொருள்களை அடுக்குவது உள்ளிட்ட பல்வேறு சமையலறை பணிகளை இவை மேற்கொள்கின்றன.     

இந்த இயந்திரங்கள் பகுதியளவு மனிதர்களின் கட்டளைகளை உள்ளீடாகக் கொண்டு செயல்படுபவை. இதனால், இயந்திரங்களைக் கையாள்வதற்காக பயிற்சி பெற்றிருப்பது அவசியம். இந்த இயந்திரத்தின் செயல்திறனுக்கான ஆராய்ச்சியில் பெர்கேலே பல்கலைக் கழகமும், மெட்டா நிறுவனமும் பங்கெடுத்துள்ளன.