தங்கம் விலை சற்று குறைவு! இன்றைய நிலவரம்

சென்னை: சென்னையில் ஆபரணத் தங்கத்தின் விலை வியாழக்கிழமை காலை சவரனுக்கு ரூ. 120 குறைந்துள்ளது.

கடந்த 10 நாள்களுக்கு மேலாக ஆபரணத் தங்கத்தின் விலை ரூ. 54 ஆயிரத்திலேயே இருந்த நிலையில், நேற்று அதிரடியாக சவரனுக்கு ரூ.720 அதிகரித்து அதிர்ச்சி அளித்தது.

ஆடி மாதம் முதல் நாளான நேற்று சென்னையில் ஆபரணத் தங்கமானது ஒரு சவரன் ரூ.55,360-க்கு விற்பனையானது.

இந்த நிலையில், வியாழக்கிழமை காலை சவரனுக்கு ரூ. 120 குறைந்து ரூ. 55,240-க்கும், ஒரு கிராமுக்கு ரூ. 15 குறைந்து ரூ. 6,905-க்கும் விற்பனை செய்யப்படுகிறது.

அதேபோல், வெள்ளியின் விலையும் கிராமுக்கு ரூ. 1.30 குறைந்து ரூ.99.20-க்கும் ஒரு கிலோ ரூ. 99,200-க்கும் விற்பனை செய்யப்படுகிறது.