கடந்த செப்டம்பா் மாதத்தில் இந்தியாவின் முன்னணி வாகன உற்பத்தி நிறுவனங்களில் ஒன்றான டாடா மோட்டாா்ஸின் உள்நாட்டு மொத்த விற்பனை 15 சதவீதம் சரிந்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

உள்நாட்டுச் சந்தையில் நிறுவனத்தின் மொத்த விற்பனை கடந்த செப்டம்பரில் 69,694-ஆக உள்ளது. முந்தைய 2023-ஆம் ஆண்டின் இதே மாதத்தோடு ஒப்பிடுகையில் இது 15 சதவீதம் குறைவு.

மின்சார வாகனங்கள் உள்பட நிறுவன பயணிகள் வாகனங்களின் உள்நாட்டு மொத்த விற்பனை கடந்த செப்டம்பா் மாதம் 41,063-ஆகக் குறைந்துள்ளது. முந்தைய 2023 செப்டம்பரில் இந்த எண்ணிக்கை 44,809-ஆக இருந்தது.

கடந்த செப்டம்பருடன் நிறைவடைந்த நடப்பு நிதியாண்டின் இரண்டாவது காலாண்டு முழுமைக்கும் நிறுவன பயணிகள் வாகனங்களின் உள்நாட்டு மொத்த விற்பனை 79,931-ஆக உள்ளது. முந்தைய 2023-24-ஆம் நிதியாண்டின் இதே காலாண்டோடு ஒப்பிடுகையில் இது 19 சதவீதம் குறைவு என்று அந்த அறிக்கையில் குறிப்பிடப்பட்டுள்ளது.