பஜாஜ் ஹவுசிங் பைனான்ஸ் நிகர லாபம் 25% அதிகரிப்பு!

பஜாஜ் ஹவுசிங் ஃபைனான்ஸ் இன்று 3வது காலாண்டிற்கான முடிவுகளை அறிவித்தது.

நிறுவனத்தின் நிகர லாபம் ரூ.548.02 கோடியாக இருந்தது. இது முந்தைய நிதியாண்டின் இதே காலகட்டத்தில் இது ரூ.436.97 கோடி நிகர லாபத்துடன் ஒப்பிடுகையில் இது 25 சதவிகிதம் அதிகமாகும்.

பஜாஜ் ஹவுசிங் ஃபைனான்ஸ் வருவாயும் 26 சதவிகிதம் உயர்ந்து ரூ.2,448.86 கோடியாக உள்ளது. இதற்கு முந்தைய நிதியாண்டின் மூன்றாவது காலாண்டில் நிறுவனத்தின் வருவாய் ரூ.1,946.18 கோடியாக இருந்தது.

நிறுவனத்தின் நிகர வட்டி வருமானம் 25 சதவிகிதம் அதிகரித்து ரூ.806 கோடியாக இருந்தது.

வருடாந்திர அடிப்படையில், 31 டிசம்பர் 2024 நிலவரப்படி மொத்த செயல்படாத சொத்து மற்றும் நிகர செயல்படாத சொத்து, 31 டிசம்பர் 2023 நிலவரப்படி 0.25% மற்றும் 0.10% க்கு முறையே 0.29% மற்றும் 0.13% ஆக இருந்தது.

நிறுவனத்தின் காலாண்டு முடிவுகள் இன்று வர்த்தகம் முடிந்த பிறகு வெளியிடப்பட்டது. இதனிடையில், இன்றைய வர்த்தக நேர முடிவில் பஜாஜ் ஹவுசிங் பைனான்ஸ் பங்குகள் 3 சதவிகிதம் சரிந்து ரூ.105.40 ஆக முடிவடைந்தது.

இதையும் படிக்க: ஐசிஐசிஐ வங்கியின் நிகர லாபம் 15% அதிகரிப்பு!