சென்னை: சென்னையில் ஆபரணத் தங்கத்தின் விலை புதிய உச்சத்தை தொட்டுள்ளது.

ஆபரணத் தங்கத்தின் விலை கடந்த 22 ஆம் தேதி வரலாற்றில் முதல்முறையாக ரூ.60,000-ஐ கடந்து புதிய உச்சம் தொட்டது. அதன்பிறகு சிறிது ஏற்றம், இறக்கம் இருந்தாலும் ரூ. 60,000-க்கு குறையாமல் உள்ளது.

இதையும் படிக்க : சர்வதேச விண்வெளி மையம் செல்லும் இந்திய வீரர்! திட்டத்தின் விமானியாக நியமித்த நாசா!

ஒரு சவரனுக்கு புதன்கிழமை ரூ.680-ம், வியாழக்கிழமை ரூ. 120-ம் உயர்ந்து ரூ. 60,880-க்கு விற்பனையாகி வந்தது.

இந்த நிலையில், வெள்ளிக்கிழமை காலை ஒரு சவரன் தங்கத்தின் விலை அதிரடியாக ரூ. 960 உயர்ந்துள்ளது. ஒரு கிராம் ரூ. 7730-க்கும், ஒரு சவரன் ரூ. 61,840-க்கும் விற்பனை ஆகிறது.

கடந்த 21ஆம் தேதி ஒரு சவரன் தங்கத்தின் விலை ரூ. 59,600-க்கு விற்கப்பட்ட நிலையில், 10 நாள்களில் ரூ. 2,240 உயர்ந்துள்ளது மக்களிடையே அதிர்ச்சியை ஏற்படுத்தியுள்ளது.

வெள்ளியை பொறுத்தவரை வெள்ளிக்கிழமை கிராமுக்கு ஒரு ரூபாய் அதிகரித்துள்ளது. ஒரு கிராம் ரூ. 107-க்கும், ஒரு கிலோ ரூ. 1,07,000-க்கும் விற்பனை செய்யப்படுகிறது.