புதுதில்லி: ஜூன் வரையான முதல் காலாண்டில், ஹூண்டாய் மோட்டார் இந்தியாவின் ஒருங்கிணைந்த நிகர லாபம் ஆண்டுக்கு ஆண்டு 8 சதவிகிதம் சரிந்து ரூ.1,369 கோடியாக உள்ளது. விற்பனை குறைந்ததால் இந்த இழப்பு ஏற்பட்டுள்ளதாக நிறுவனம் தெரிவித்துள்ளது.

கடந்த நிதியாண்டின் ஏப்ரல் முதல் ஜூன் வரையான காலாண்டில், நிறுவனத்தின் நிகர லாபம் ரூ.1,490 கோடியாக இருந்தது.

ஜூன் வரையான காலாண்டில் மொத்த வருமானம் ரூ.16,628 கோடியாகக் குறைந்துள்ளது. கடந்த ஆண்டு இதே காலத்தில் அது ரூ.17,568 கோடியாக இருந்தது என்று ஹூண்டாய் மோட்டார் இந்தியா லிமிடெட் தெரிவித்துள்ளது.

மும்பை பங்குச் சந்தையில் நிறுவனத்தின் பங்குகள் 0.62 சதவிகிதம் குறைந்து ரூ.2,087.75 ஆக வர்த்தகமானது.

இதையும் படிக்க: பஞ்சாப் நேஷனல் வங்கியின் முதல் காலாண்டு லாபம் 48% சரிவு!