ஸ்டார் ஹெல்த் நிறுவனத்தின் 2.84% பங்குகளை விற்பனை செய்த டபிள்யூ.எஃப்.எம். ஆசியா!

புதுதில்லி: ஹாங்காங்கை தளமாகக் கொண்ட டபிள்யூ.எஃப்.எம். ஆசியா நிறுவனமானது, ஸ்டார் ஹெல்த் அண்ட் அல்லைட் இன்சூரன்ஸ் நிறுவனத்தில் 2.84 சதவிகித பங்குகளை கிட்டத்தட்ட ரூ.701 கோடிக்கு திறந்த சந்தை மூலம் பரிவர்த்தனை செய்ததாக இன்று தெரிவித்துள்ளது.

டபிள்யூ.எஃப்.எம். ஆசியா, அதன் துணை நிறுவனமான டபிள்யூ.எஃப் மூலம், நிஃப்டி-யில் 1.66 கோடிக்கும் அதிகமான பங்குகளை அதாவது 2.84 சதவிகித பங்குகளை விற்பனை செய்துள்ளது.

பங்குகள் ஒவ்வொன்றும் ரூ.420.03 என்ற விலையில் கைமாறியதாக தெரிவிக்கப்பட்டுள்ளது. இதன் மூலம் அதன் ஒப்பந்த மதிப்பு ரூ.700.86 கோடியாக உள்ளது.

மார்ச் காலாண்டின் இறுதியில், டபிள்யூ.எஃப்.எம். ஆசியா, சென்னையை தளமாகக் கொண்ட ஸ்டார் ஹெல்த் அண்ட் அல்லைட் இன்சூரன்ஸ் நிறுவனத்தில் 3.48 சதவிகித பங்குகளை வைத்திருந்தது.

இதற்கிடையில், எஸ்பிஐ மியூச்சுவல் ஃபண்ட், ஸ்டார் ஹெல்த் நிறுவனத்தின் 2.8 சதவிகித பங்குகளை கிட்டத்தட்ட ரூ.690 கோடிக்கு, 1.64 கோடிக்கும் அதிகமான பங்குகளை வாங்கியுள்ளது.

என்எஸ்இ-யில் ஸ்டார் ஹெல்த் அண்ட் அல்லைட் இன்சூரன்ஸ் நிறுவனத்தின் பங்குகள் ரூ.428.20 ஆக முடிவடைந்தது.

இதையும் படிக்க: உலகளாவிய ஏற்றத்தால் சென்செக்ஸ், நிஃப்டி 1% உயர்வுடன் முடிவு!