ஐபிஓவை வெளியிட கிரிசாக் நிறுவனத்திற்கு செபி ஒப்புதல்!

புதுதில்லி: மாணவர் ஆட்சேர்ப்பு தீர்வு நிறுவனமான, 'கிரிசாக்' நிறுவனம், ஐ.பி.ஓ. வாயிலாக ரூ.1,000 கோடி திரட்ட, செபியின் ஒப்புதலை பெற்றுள்ளது.

முன்மொழியப்பட்ட ஐபிஓ மூலம், பிங்கி அகர்வால் மற்றும் மனிஷ் அகர்வால் முறையே ரூ.841 கோடி மற்றும் ரூ.159 கோடி மதிப்புள்ள பங்கு பங்குகளை விற்க திட்டமிட்டனர்.

கடந்த ஆண்டு மார்ச் மாதத்தில் தனது ஆவணங்களை செபி-யிடம் அனுப்பிய நிலையில், ஒழுங்குமுறை ஆணையம் ஜூலை மாதத்தில் திருப்பி அனுப்பியது.

இதையடுத்து, நவம்பரில் ஆவணங்களை மீண்டும் தாக்கல் செய்து, ஆரம்ப பங்கு விற்பனையை தொடங்க அனுமதி கோரியது. இதன் அடிப்படையில், மார்ச் 4, 2025 அன்று செபி அனுமதி கடிதத்தை வழங்கியது.

கொல்கத்தாவைத் தளமாகக் கொண்ட இந்த நிறுவனம் இங்கிலாந்து, கனடா, அயர்லாந்து, ஆஸ்திரேலியா மற்றும் நியூசிலாந்தில் உள்ள உலகளாவிய உயர்கல்வி நிறுவனங்களுக்கு, ஆட்சேர்ப்பு தீர்வுகளை வழங்கும் வழங்குநராக உள்ளது.

கடந்த மூன்று ஆண்டுகளில், கிரிசாக் அதன் தொழில்நுட்ப தளத்தில் பதிவுசெய்யப்பட்ட முகவர்கள் மூலம் 72 க்கும் மேற்பட்ட நாடுகளிலிருந்து பெறப்படும் விண்ணப்பங்களை பரிசீலனை செய்து தகுதியான விண்ணப்பங்களை நடைமுறைப்படுத்தியது. 140 க்கும் மேற்பட்ட உலகளாவிய பல்கலைக்கழகங்களுடன் ஒத்துழைத்துள்ள நிலையில், கிரிசாக் இதுவரை மிகுந்த கவனத்துடன் 3.82 லட்சத்துக்கும் மேற்பட்ட மாணவர் விண்ணப்பங்களை பரிசீலனை செய்துள்ளது.

2023ஆம் நிதியாண்டில் அதன் செயல்பாடுகளிலிருந்து ஒருங்கிணைந்த வருவாய், அதன் முந்தைய ஆண்டு ரூ.263.53 கோடியிலிருந்து 79.5 சதவிகிதம் உயர்ந்து ரூ.472.97 கோடியாக உள்ளது.

வரிக்கு பிந்தைய லாபமாக ரூ.67.76 கோடியிலிருந்து 65.50 சதவிகிதம் அதிகரித்து ரூ.112.14 கோடியாக உள்ளதாக தெரிவித்தது.

இதையும் படிக்க: இந்திய ரூபாயின் மதிப்பு 10 காசுகள் உயர்ந்து ரூ.87.21 ஆக முடிவு!