பொதுத் துறையைச் சோ்ந்த யூனியன் வங்கியின் நிகர லாபம் கடந்த ஜனவரி-மாா்ச் காலாண்டில் 50 சதவீதம் உயா்ந்துள்ளது.

இது குறித்து வங்கி வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த மாா்ச் 31-ஆம் தேதியுடன் நிறைவடைந்த கடந்த நிதியாண்டின் நான்காவது காலாண்டில் வங்கியின் நிகர லாபம் ரூ.4,985 கோடியாக உள்ளது. முந்தைய 2023-24-ஆம் நிதியாண்டின் இதே காலாண்டில் இது ரூ.3,311 கோடியாக இருந்தது. அதனுடன் ஒப்பிடுகையில் தற்போது வங்கியின் நிகர லாபம் 50 சதவீதம் அதிகம்.

மதிப்பீட்டுக் காலாண்டில் வங்கியின் மொத்த வருவாய் ரூ.31,058 கோடியிலிருந்து ரூ.33,254 கோடியாக உயா்ந்துள்ளது. நிகர வட்டி வருவாய் அதிக மாற்றமின்றி ரூ.9,514 கோடியாகவும் இதர வருவாய் 18 சதவீதம் உயா்ந்து ரூ.5,559 கோடியாகவும் உள்ளது என்று அந்த அறிக்கையில் குறிப்பிடப்பட்டுள்ளது.