அமெரிக்க டாலருக்கு நிகரான ரூபாய் மதிப்பு, இன்றைய (மே 19) வணிக நேர முடிவில் 17 காசுகள் உயர்ந்து ரூ. 85.40 காசுகளாக நிறைவு பெற்றது.

கடைசி வணிக நாளான கடந்த வெள்ளிக்கிழமை (மே 16) ஒரு காசு உயர்ந்து ரூ. 85.53 காசுகளாக இருந்தது. அதனோடு ஒப்பிடுகையில் இன்றைய வணிக நேர முடிவில் ரூபாய் மதிப்பு 17 காசுகள் உயர்ந்துள்ளது.

வங்கிகளுக்கு இடையிலான அந்நியச் செலாவணியில் இந்திய ரூபாய் மதிப்பு வணிக நேரத் தொடக்கத்தில் 16 காசுகள் உயர்ந்து 85.41 காசுகளாக இருந்தது.

நேர்மறையாகவே வணிகம் தொடங்கிய நிலையில், ஏற்ற இறக்கங்களுக்குப் பிறகு, வணிக நேர முடிவில் 17 காசுகள் உயர்வுடன் ரூ. 85.40ஆக முடிந்தது.

அமெரிக்க கடன் மதிப்பீடு குறைவு மற்றும் இந்திய சந்தைகளில் நிலவிய சீரான வெளிநாட்டு முதலீடு போன்றவை ரூபாய் மதிப்பு உயர்வதற்கான காரணமாக நிபுணர்கள் குறிப்பிடுகின்றனர்.

இதேபோன்று கச்சா எண்ணெய் விலையும் 0.43 காசுகள் குறைந்து 65.13 டாலர்களாக விற்பனையாகிறது.

இதையும் படிக்க | சரிவுடன் முடிந்த பங்குச் சந்தை! ஐடி துறை பங்குகள் வீழ்ச்சி!