சென்னை: சென்னையில் ஆபரணத் தங்கத்தின் விலை செவ்வாய்க்கிழமை காலை ஒரு சவரனுக்கு ரூ. 800 குறைந்துள்ளது.

தீபாவளிப் பண்டிகையொட்டி ஆபரணத் தங்கத்தின் விலை ஒரு சவரன் ரூ. 97,000-ஐ கடந்த நிலையில், அதன்பின்னர் கடந்த இரண்டு வாரங்களாக அதிரடியாக குறைந்து வருகின்றது.

நேற்றைய நிலவரப்படி, சென்னையில் ஒரு சவரன் ஆபரணத் தங்கத்தின் விலை ரூ. 90,800-க்கும், ஒரு கிராம் ரூ. 11,350-க்கும் விற்பனை செய்யப்பட்டது.

இந்த நிலையில், செவ்வாய்க்கிழமை காலை ஒரு சவரனுக்கு ரூ. 800 குறைந்து ரூ. 90,000 -க்கு விற்பனை செய்யப்படுகிறது. ஒரு கிராம் ரூ. 11,250-க்கு விற்பனையாகிறது.

வெள்ளியைப் பொறுத்தவரை இன்று காலை கிராமுக்கு ரூ. 3 குறைந்துள்ளது. ஒரு கிராம் ரூ. 165-க்கும், ஒரு கிலோ கட்டி வெள்ளி ரூ. 1,65,000-க்கும் விற்பனை செய்யப்படுகிறது.

இதையும் படிக்க : பிகார் முதல் கட்டத் தேர்தல்! இன்றுடன் பிரசாரம் ஓய்வு!