தேவையானவை:

தக்காளி - 3
வெங்காயம் - 2
கிராம்பு , பட்டை - 2
இஞ்சி - பூண்டு விழுது - 1 தேக்கரண்டி
கடுகு - 1 தேக்கரண்டி
முந்திரி - 10
மிளகாய்த் தூள் - 1 தேக்கரண்டி
மஞ்சள் தூள் - அரை தேக்கரண்டி

செய்முறை:

1 தக்காளி, 1 வெங்காயம், பட்டை, கிராம்பு, இஞ்சி - பூண்டு இவற்றை அரைத்து தனியாக எடுத்து வைத்துக் கொள்ளவும். பின்னர், வாணலியில் எண்ணெய் விட்டு, கடுகு தாளித்து அத்துடன் வெங்காயத்தை சேர்த்து வதக்கவும்.

நன்கு வதங்கியவுடன் தக்காளி சேர்த்து வதக்கவும். பின்னர், தனியாக அரைத்து வைத்துள்ள தக்காளி  விழுதைச் சேர்த்து, நன்கு வதக்கவும். அவற்றுடன், மஞ்சள் தூள், மிளகாய்த்தூள், உப்பு சேர்த்து வதக்கி தண்ணீர் தெளித்து மூடி வைக்கவும்.

சிறிது நேரம் கழித்து முந்திரியைப் பாலில் ஊறவைத்து மிக்ஸியில் மைய அரைத்து அவற்றுடன் சேர்த்து, நன்கு கலக்கி கொத்துமல்லித் தூவி இறக்கவும். தக்காளி ரிச் கிரேவி தயார்.