தேவையான பொருள்கள்:

சேப்பங்கிழங்கு - கால் கிலோ
மிளகு - 2 தேக்கரண்டி
மிளகாய் வற்றல்  - 2
பூண்டு - 4 பல்
வெங்காயம் - 2
தக்காளி - 1
கடுகு - உளுந்து - 1 தேக்கரண்டி
உப்பு - 1 தேக்கரண்டி

செய்முறை:  

சேப்பங்கிழங்கை வேகவைத்து எடுத்து தோலை நீக்கிக் கொள்ளவும்.  பின்னர்,  நீளவாக்கில் இரண்டாக வெட்டி, வாணலியில்  எண்ணெய்விட்டுப் பொரித்து எடுத்துக் கொள்ளவும்.

பின்னர், மிளகாய் வற்றல், பூண்டு, மிளகு சேர்த்து மிக்ஸியில் பொடித்துக் கொள்ளவும்.

மற்றொரு வாணலியில் சிறிது எண்ணெய்விட்டு கடுகு- உளுந்து தாளித்து,  பொடியாக நறுக்கிய வெங்காயம், தக்காளியை நன்கு வதக்கிக் கொள்ளவும்.

அத்துடன்  பொடித்த மிளகு கலவை, உப்பு சேர்த்து நன்கு கிளறவும். அத்துடன் பொரித்த சேப்பங்கிழங்கை சேர்த்து நன்கு கிளறி இறக்கவும். சேப்பங்கிழங்கு சாப்ஸ் ரெடி