வசதிகளின்றி வி.ஏ.ஓ. அலுவலகம்

மணலிபுதுநகரில் இயங்கி வரும் கிராம நிர்வாக அலுவலர் (வி.ஏ.ஓ) அலுவலகத்தில் அடிப்படை வசதிகள் துளிகூட இல்லை. மின் இணைப்பு இல்லை. அருகிலிருக்கும் மின் கம்பத்திலிருந்து மின்இணைப்பு பெற்று மின் விளக்குகள் எரிகின்றன.

அலுவலகத்தில் காற்றோட்ட வசதியோ, கழிப்பறை வசதியோ, குடிநீர் வசதியோ அறவே இல்லை. இருப்பினும் நூற்றுக்கணக்கான பொதுமக்களின் நலனுக்காக இந்த அலுவலகம் செயல்பட்டு வருகிறது.

இந்த குறைபாட்டை உடனடியாக நீக்க வேண்டும் என அப்பகுதி மக்கள் வேண்டுகின்றனர்.