சர்வதேச அளவில் மிகப்பெரிய நகரங்களில் ஒன்றாகத் திகழ்ந்து வரும் சென்னை மாநகரில் மழைக் காலம் மட்டுமன்றி, கோடைக் காலங்களில் கூட கொசுத் தொல்லை அதிகமாகக் காணப்படுகிறது. பல்வேறு தொற்று நோய்களை பரப்பி வரும் இந்தக் கொசுக்களை அதிக அளவில் பெருக வைப்பதில் கூவம் நதி முதலிடத்தைப் பிடித்துள்ளது. இதற்கு அடுத்த இடங்களில் நகரம் முழுவதும் ஓடும் சிறு சிறு கழிவுநீர்க் கால்வாய்கள், அடையாற்றை கூறலாம். கொசுக்களை பெருவாரியாக உற்பத்தி செய்யும் இந்தக் கால்வாய்களை முழு அளவில் சுத்தப்படுத்த சென்னை மாநகராட்சி நடவடிக்கை எடுக்க வேண்டும்.