பகுதி - 50

வேல் விருத்தம் ஏழாம் பாடல்

திருமுருகன் வழிபாட்டை விநாயகர், தேவி, சிவன் என்று எல்லோருடனும் சேர்த்துச் செய்பவரான குருநாதர் இந்தப் பாடலில் முருகனுடைய மாமனான திருமாலைத் துதிக்கிறார்.நான்கடிப் பாடலில் இரண்டடிகள் திருமால்தான்.

அண்டங்கள் ஒருகோடி ஆயினுங் குலகிரி

 அநந்தமா யினுமேவினால்

அடையவுரு விப்புறம் போவதல் லதுதங்கல்

 அறியாது சூரனுடலைக்

கண்டம் படப்பொருது காலனுங் குலைவுறுங்

 கடியகொலை புரியு மதுசெங்

கநகா சலத்தைக் கடைந்துமுனை யிட்டுக்

 கடுக்கின்ற துங்க நெடுவேல்

தண்டந் தநுத்திகிரி சங்குகட் கங்கொண்ட

 தானவாந் தகன்மாயவன்

தழல்விழிக் கொடுவரிப் பருவுடற் பஃறலைத்

 தமனியச் சுடிகையின் மேல்

வண்டொன்று கமலத்து மங்கையுங் கடலாடை

 மங்கையும் பதம்வருடவே

மதுமலர்க் கண்துயில் முகுந்தன்மரு கன்குகன்

 வாகைத் திருக்கை வேலே.

மூன்றாமடியில் திருமாலின் பஞ்சாயுதங்கள் பேசப்படுகின்றன. அடுத்ததாக ஆதிசேடன், அடுத்ததில் சீதேவி, பூதேவி… இப்படி திருப்பாற்கடலில் பள்ளிகொண்டுள்ள திருமாலின் மருகனாகிய குகனுடைய கைவேலைப் பாடல் பேசுகிறது. நாளைக்கு விரிவாகக் காண்போம்.

</p><p align="JUSTIFY"> </p><p align="JUSTIFY"><iframe height="250" src="https://w.soundcloud.com/player/?url=https%3A//api.soundcloud.com/tracks/230612867&auto_play=false&hide_related=false&show_comments=true&show_user=true&show_reposts=false&visual=true" width="75%" /></p>