பகுதி - 862

‘பொதுப் பெண்டிரின் மயக்கம் அறவேண்டும்’ என்று கோரும் இப்பாடல் வீரை நகருக்கு உரியது.  வீரை நகர் என்பது திருப்பெருந்துறைக்கு மேற்கே உள்ள ஒரு சிவத்தலம்.  இப்பாடல் பழநித் திருப்புகழ்ப் பாடல்களின் வரிசையில் வருகிறது.

அடிக்கு ஒற்றொழித்து 22 எழுத்துகளைக் கொண்ட பாடல்.  ஒன்று, மூன்று, ஐந்து ஆகிய சீர்களில் இரண்டு நெட்டெழுத்துகளும்; இரண்டு, நான்கு, ஆறு ஆகிய சீர்களில் நான்கு குற்றெழுத்துகளும் அமைந்துள்ளன.

தானா தனதன தானா தனதன

                தானா தனதன                                                            தனதான

ஆதா ளிகள்புரி கோலா கலவிழி

                        யாலே யமுதெனு                                            மொழியாலே

                ஆழ்சீ ரிளநகை யாலே துடியிடை

                        யாலே மணமலி                                               குழலாலே

சூதா ரிளமுலை யாலே யழகிய

                        தோடா ரிரு குழை                                            யதனாலே

                சோரா மயல்தரு மானா ருறவிடர்

                        சூழா வகையருள்                                             புரிவாயே

போதா ரிருகழல் சூழா ததுதொழில்

                        பூணா தெதிருற                                                  மதியாதே

                போரா டியஅதி சூரா பொறுபொறு

                        போகா தெனஅடு                                              திறலோனே

வேதா வுடனொடு மாலா னவனறி

                        யாதா ரருளிய                                                     குமரேசா

                வீரா புரிவரு கோவே பழநியுள்

                        வேலா இமையவர்                                         பெருமாளே.