குழந்தை பிறந்த நிமிடம் முதல் அம்மா அப்பாவுக்கு  கனவு
அவர் பிள்ளையின் எதிர்காலம் !
கனவு பல கண்டு வளரும் பிள்ளை உனக்கும்    அந்த  கனவுதான் 
அஸ்திவாரம் நீ  கட்டும் உன்  வாழ்க்கை வீட்டுக்கு ...உன் நாட்டுக்கு !
கனவு  பல  இருக்கலாம் ..ஆனால்  அது உன் தூக்கத்தில் 
வரும்  கனவு அல்ல தம்பி... உன்னை  தூங்க விடாமல் உன்னை 
துரத்தும்  உன் லட்சியக் கனவாக மட்டுமே இருக்கலாம்  தம்பி !
கனவிலும்  உன் சிந்தனை இருக்கலாம் ...சிந்தித்து சிந்தித்து 
உன் லட்சியம் எட்ட நீ  ஏறும் ஏணியாக உன் கனவு இருக்கலாம் !
முடியாத செயலை முடிக்க வேண்டும் என்று  கனவு இருக்கலாம் ! 
இதை  நான் சொல்லவில்லை  தம்பி !...அந்த மாமனிதன்
கலாம்  சொன்னது  உனக்கு !.. மறக்க வேண்டாம் நீ   அந்த 
மாமனிதனின்  மணி மொழி ! அவன் சொல் வழி நீ  நடந்து 
மாற்றிக் காட்டு உன் தாய் நாட்டை ஒரு புதிய பாரதமாக !
"இருபது இருபது ...பாரதம் ஒரு வல்லரசு" ...இதுவே உன் 
 கனவாகட்டும் ...உன் கனவு  நனவாகும் அந்த நாள் 
மாமனிதன் கலாம் கண்ட கனவும்  நனவாகும்  பொன்னாள் !