ஆண்டவன் படைப்பில் உலகில்
அனைவருமே பொம்மைகள்தான்!

ஆனாலும்...அதற்குள்ளேயும்
எத்தனை எத்தனை வேற்றுமைகள்!

மனைவி சொல்லே மந்திரம்;
மற்றதெல்லாம் வெறும் தந்திரமென
கனவில் வாழும் கணவனும் தன்
'கை பிடித்தவளின்' கைப்பாவைதான்!

பெற்றவர் கனவை நனவாக்கிட
புத்தக மூட்டை சுமந்து படிக்கும்
பிள்ளைகட்கு போதிக்கும் ஆசானும்
பள்ளிக்கூட 'எந்திர'பொம்மைதான்!

தலைவனை திருப்தி படுத்திடவே
தரைவரை குனிந்து வணங்கி,
விலை மதிப்பில்லா தன்மானத்தை
வீசியெறியும் 'ஜால்ரா'பொம்மைகள்!

கோடிகளைச் சுருட்ட அச்சாரமாய்
காசிறைக்கும் வேட்பாளனின் இனிய
வாக்கை நம்பும் வாக்காளனும் ஓர்
 'இலவு காத்த' கிளி பொம்மைதான்!